Porque del amor al odiu hai namás un pasu, por una Asturies enllena de ciudadanos y non de de votantes
13/07/2006
Añu 2006 d.C., toa Europa conderga los crímenes del franquismu, ¿toa? ¡Non! un reducíu grupu polacu resiste a los ataques xudeomasónicos y sodomites bolcheviques. Y estu vien al cuentu de que t'acabante de cellebrase un plenu nel Parlamentu Europeu cola fin de condergar el franquismu. La sorpresa llegó cuando Maciej Giertych, cabezaleru de la ultraderechista Lliga de les Families de Polonia, sacó la llingua a pacer col so instintu llibertaor y democráticu pa xustificar el réximen franquista puestu que "Gracies a la Ilesia española, al Exércitu español y a Francisco Franco l'ataque comunista contra la España católica pudo superase".
Ay, ay, ay, Marciej pillín, que bromista tás fechu. ¿Y cuando los nazis invadieron Polonia diben d'escursión a retozar pel monte con prestoses moces polaques non? Si ye que la ultraderecha tien permala fama, en realidá son toos unos cachondos, solo que nos nun pillamos el so sentíu del humor porque tenemos-yos manía... Aun asina garro la mítica frase de Woody Allen, asina en plan bromina pa él "cuando siento a Wagner durante más de media hora entrenme unes ganes d'invadir Polonia...".
Como nun podía ser menos, la Derechona española nun pudo faltar nesi alderique. L'eternu segundón (nunca nun ganó nenguna elleición a la que se presentó), Jaime Mayor Oreja declaró "la reconciliación, la concordia, nun debe aburrinos (...) y por eso dellos, a munchos españoles, pareznos un error hestóricu que güei se trate d'impulsar una segunda transición, como si la primera quedara vieya y obsoleta". Como puee vese, el Partíu Popular sigue ensin condergar el franquismu a la vez qu'intenta desmarcase de la so vinculación col mesmu, ye dicir, que podemos considerar que lu xustifiquen al nun condergalu. ¿Sedrá que realmente duel-yos condergar el franquismu? Lo curiosu ye que la drecha de ¡ESPAÑA! tanto a través de los sos intelectualinos de tertulia como de los sos medios afines nun tien nengún pudor en condergar "l'intentu de güelpe d'Estáu de 1934" pero vese-yos mui cómodos colos 40 años de dictadura franquista. ¿Sedrá realmente que tán d'alcuerdu? ¿o que tienen mieu enfadar a les sos centristes bases? ¿ye realmente tan dificil que'l Partíu Popular de'l brazu a torcer y dexe d'intentar la cuadratura del círculu?.
Al menos quedanos el consuelu de que la derechona cristiana europea del PPE (nel que s'atopa'l PP español), declaró a traviés del so cabezaleru que “consideramos que los dictadores y los qu'afiten rexímenes totalitarios, ya seyan facistes o comunistes o nacionalsocialistes, nun tán en condiciones de defender los nuesos ideales”. Al menos n'Europa soplen otros vientos, a ver cuando aireen un poco los armarios na derechona española, uy no, qu'ellos d'armarios nun quieren saber un res...
Licencia:CC Reconocimiento NoComercial SinObraDerivada
Dicen que'l PP nun tien nada que ver col franquismu, yá, y yo voi y créolo ¿non?. Daqué qu'enxamás-y perdonaré al PP (ente otres munches coses) ye qu'un ministru franquista que sofitaba la pena de muerte, algamare na democracia española un cargu políticu de máximu altor de manes del PP. Por respetu políticu y moral a la sociedá, a la xente que lluchó escontra la dictadura, él nun debió nunca aceutar esi cargu, nin nengún partíu debió proponélu pa él. Nun fai falta que diga'l so nome, ¿verdá?
jajaja non, la verdá que nun fae falta que digas quien ye. A mi ye un tema esti que ponme de permala llechi siempre. Tienen una facilidá pa manipular la hestoria y les coses de la ostia y lo meyor de tou ye que faenlu ensin despeinase nin ponese colloraos. Ye ablucante...
Esas leyes habria que estudiarlas de nuevo, de eso no hay duda ..
A veces el pasado es mejor no removerlo por todo lo que puede pasar, ademas la historia esta ahi para recordarla, no para juzgarla.
Si en el pais en el que vivimos es muy dificil entender como funciona la justicia, imaginaros comprender la politica internacional...
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
