Despuós d'un tiempu ensin escribir, despuós d'un tiempu dándo-y vueltas a qué facer col blogue (dexalo, seguir, cambialo) vuélveme, outra vez, la necesidá de marchar unos meses fuora, ensin opción de conectame a internet (yia lo que tien el mar). Ya por el.lo que pienso que lo meyor que puedo facer ya dexar el blogue. Dame pena, escomencelo con ilusión (más que nada, por escribir cousinas n'asturianu), pero pienso que nun val de muito escibir ensin vivilo.

Préstame ver cumo lo qu'hai vente meses yaran cuatro blogues mal contaos yia güei una buena montonera de blogues dedicaos a temas diversos ya, en xeneral, interesantes ya mui comprometíos pa cola l.lingua. Ya presta más ver qu'hai sentimientu de "xunión", de pensar que se puede facer una asociación que puxe polos dereitos de los asturianofalantes, la normalización d'esta l.lingua tan probe ya pola cultura de la tierra, tamién na rede. ¡Ánimo!

Pola mio parte, davos las gracias a los que pasasteis preiquí en dalgún momentu. Pienso que non, pero igual dientro d'unos meses apetezme ya entamo outro "chigre".

Déxolo con una cita de Galeano (qu'escribe una migayina meyor que you) que resume la idea que tengo agora mesmu d'Asturias, del mundu ya de lo que m'apetez facer.

¡Salú!

"La autoridad competente advierte a la población que andan sueltos unos cuantos jóvenes cimarrones, matreros, errantes, vagos y mal entretenidos, que son portadores del peligroso virus que contagia la peste de la desobediencia.
(...)
Ratificando el principio de autoridad, y haciendo caso omiso de las provocaciones de esta minoría de alborotadores, el Superior Gobierno deja constancia, una vez más, de su irrevocable decisión de continuar velando por el desarrollo de los jóvenes, que son el principal producto de exportación del país y constituyen la base del equilibrio de nuestra balanza comercial y de pagos."

Leer Comentarios

El cantar que dexo chámase "Vuestro progreso, nuestro fracaso", yia del sou primer trabayu, "No nos metemos con nadie":

Vuestra vil devastación de lo vil con todo acabará:
fabricas, contaminación, central nuclear, incendio forestal.
Vuestro futuro hará de nuestros rostros mascaras anti-gas, mutaciones genéticas, cánceres de piel, radiactividad.
Para el mundo es ya muy tarde,sois vosotros los culpables
vuestro progeso ecológico, hipocresía despreciable.
Ya no hace falta fumar, solo con respirar te podrás colocar; monocultivos y talas, vertidos a ríos, deforestación, el efecto invernadero, presas, vertederos, la madre que os parió.
Ese es vuestro progreso, nuestro fracaso, nuestra destrucción.
Mientras la madre naturaleza
sucumbe ante la acción del ser humano
nosotr@s desde sus más oscuros rincones seguimos luchando.
No quiero oíros decir
que vuestro porvenir no nos hará sufrir,
no quiero oíros decir
que vuestro porvenir no nos hará morir...
¡NO!

"Necesitas de un territorio delimitando el etnocentrismo, necesitas de un ghetto de mierda para implantar la independencia,
pero dime, ¿dónde está el cambio, si no te cuestionas el poder la existencia?.
Rompe el gentilicio que te ata, rompe el gentilicio que te separa, haciendo una opresión de la cultura, del concepto de nación una tortura." (Este cachu yia del cantar "Altrabuces y consuegras", tenía que ponelo).

Leer Comentarios

Leer Comentarios

Esa mesma bandera podía vese a menudo no entornu del "CSOA Casas Viejas", agora mesmo en procesu de desaloxu. En relación a este desaloxu, ya a nun tardar muito, pudieron vese las primeras mentiras, las primeras manipulaciones, nos medios de comunicación, bien asistíos pol SUP ya por una supuesta "Asociación de Vecinos y Comerciantes del Pumarejo-San Luís", qu'a lo que paez ta formáu casi n'esclusiva por un personaxe d'esos que caen tan bien na ultraderecha española (las páxinas de democracianacional.org ou infonacional.com tienen falao d'él).

Titulares cumo "Investigan a todo el movimiento ocupa por sus vínculos con el entorno etarra", "El SUP insinúa que el zulo de los "okupas" pudo ser construido para fines de ETA" apaecieron estos días nos periódicos (los exemplos son del ABC, pero seique touvieron toos parecío). Ya curios cumo palabras del tipo "se investiga", "posibles vínculos", "insinúan"... van axeitándose nos titulares de los periódicos, cuando l'único oxetivu yia enmierdar.

ABC espublizóu na súa web, nuna información dada pola Policía (despuós borráronlo) que los dos mozos que se metieron nun zulo pa resistir el desaloxu tenían vínculos col entornu etarra (que dalguién m'esplique qué coime yia eso):
-Uno d'el.los, Agustín Toranzo, fuora detenío (al paecer, sólo foi fichao) nuna protesta escontra la EXPO del 92. Éso, ya la "moción de solidaridad" que ficieran nuna Ca Conceyu gobernada por HB a los deteníos polas protesatas anti-EXPO yia abondo pa relacionalo col "entorno etarra".
-L'outro d'el.los, un tal Iván Iglesias, de Bilbao (namás por eso ya habían de detenelo) fuora tamién detenío nesas manifestaciones ya condenáu a dous anos de prisión menor. Lo curioso yia que l'outro mozu qu'había nel zulo chámase Ibán, sí, pero nun s'apellida Iglesias, yia de Cádiz ya nel 92 tenía 12 anos. Too val nel "periodismu".

Pa siguir con mentiras, resulta que'l zulo que montaron foi feitu col sofitu del entornu etarra (vuelta la burra), cuando en realidá contactaron con activistas ingleses; que taba feito pa esconder etarras (eso namás se "insinúa", pero enmierda tamién), ou que la relación demuéstrase pola esistencia de cartafueyos n'euskera, l.lingua propia d'etarras, abertzales ya, en xeneral, mala xente (por cierto, esos cartafueyos son un l.libru de Bernardo Atxaga, una pancarta escontra'l banzáu d'Itoiz ya unos apuntes d'un mozu qu'estudia euskera; la policía diz qu'inda nun pudo traducilos).

Parezme a mi, que nun entiendo de periodismu, que la Policía nun había ser la única fonte, menos cuando tan denunciaos por torturas ya puede interesa-ys desprestixiar a la outra parte. Parezme, tamién, que lo que diga una asociación de vecinos con un sólo miembru activu había de ser comprobáu enantias d'espublizalo. Pero qué más da, lo importante yia qu'estos marranos qu'intentan baltiar l'orden establecío tean mal vistos. Algo que, por cierto, nun parez ocurrir nel barrio onde s'asitia "Casas Viejas".

¡Viva'l periodismu!

Leer Comentarios

En fin, too un recital de lo que, 30 anos despuós, tamos fartos de sentir. A ver si, d'una puñetera vez, somos quien a facelos zarrar esa bocona que tienen.

P.D.: chisbando pol archivu, enteréime d'una cousa bien graciosa. A X.X. Sánchez Vicente echáronlo del PSOE por dicir "¿Qué haz esi paisanu ahi faciendo ginasia colos brazos en cruz?" refiriéndose, na menos, qu'a una figura de Cristo na cruz. Hai X.X., esa boca piérdenos.

Leer Comentarios

Un númaru enteiru (1568) dedícan-y na revista de "El País" a los Premios Príncipe ya nin una crítica, nin una sola nota discordante. Cuando pasa ésto, suel ser síntoma de daqué que chirría, de daquién que nun ta contándonos toa la verdá. N'este casu, por desgracia, ese daquién yía la súa revista.

Despuós de l.leer este númaru, cualesquiera vei quedase con una imaxen que pienso yia la que buscaban dar n'este medio: las xentes del norte, aquél.las que vivimos acul.lá del Payares, sumíos na eterna borrina, pasamos cada anu cuntando los días que quedan pa la entrega de los premios, los días que faltan pa salir na tele, pa ser visitaos por grandes personalidaes, insignes políticos ya xenerosos monarcas, pa ver las cais del nueso Uviéu engalanadas con flores... Qué llonxe de la relidá queda esta descripción.

Quitando'l propio día de la entrega, pa cuando la xente, movía polos "mass-media", sí-y da a la parpayuela sobro los actos, el resto l'anu pasan estos galardones ente'l más absoluto desinterés. Si acaso, un seutor de la población írguese con vozona crítica contra el.los, al consideralos un derroche, un despilfarru, un actu pomposu nuna rexón que tien las cifras de paru más altas del estáu (demientras, entregámos-y 50.000 € a Bill Gates o a J. K. Rowling), qu'inda sufre la decadencia de la mina, del sector siderúrxicu, del naval, del campu o de la pesca. Pouco tienen que ver estos galardones, nin la mayoría de los sous galardonaxs, cola tradición d'este pequenu país, colas súas l.luitas obreras, colas súas füelgas de mineros. Nun se cuál yía'l fin de tanta alfombra, de tanto hotel de luxu ya pefumes de Channel, pero lo mínimo yia qu'espeyaran, n'esta revista, esa "outra" realidá.

Ya, puestos a informar, vamos escomenzar diciendo au naz el títulu de "Príncipe de Asturias" que da nome a estos premios. Naz, sí señor, nel anu 1388, cumo medio pa controlar, dende'l reinu de Castiel.la, un territoriu que se torna peligrosu de manera periódica. L'herederu de la Corona podría, por aquél entós, poseer estas tierras, de manera qu'iba encargase de nomar rexidores ya alcaldes. Güei básta-y con decir unas pal.labras nun día señaláu. Del resto seique s'encargan los ustedes (los medios).

P.D.: el títulu cambiáronlu por un sosu "Faltan críticas"

Leer Comentarios

Yá veis, si you, al ver a la túa buela, nun soi quién pa saber cuál yia la súa edá, ¿cumo vei haber daquién que sepa la edá d'un fósil? -argumento rajoydianu-.

Leer Comentarios

La revista New Scientist espublizóu un estudiu basáu nel cálculu de la güelga ecolóxica (método almitío pola ONU), según el que namás Cuba tien un "xeitu de vida decente pa los sous habitantes, ensin que consuman más que la proporción razonable de los recursos que-ys correspuenden" (crisisenergética.org) . Paez que, por muito que los políticos oucidentales chenen la bocona con sostenibilidá, el nueso xeitu de vida ta bien allonxáu de lo que'l planeta puede permitir. Paez que si tol mundu consumiera cumo nós, nun iba haber comida, augua ou enerxía pa to=s. Paez que somos un pouco aguarones, ¿non?.

Por outra parte, rebaxar un pouco l'ésitu de Cuba, ya que'l propio autor diz que, si nun fuora pol embargu, iban disponer de más recursos ya iban usalos (a eso tienden cuando tienen dalguna época de bonanza económica), polo qu'iban dexar d'averase a éso del desarrollu sostenible. Pa ser positivu, pensái que nuna situación d'escasez de recursos somos capaces d'organizanos p'adaptanos a esa situación. Ya podemos caltener un xeitu de vida bien amañosu.

Leer Comentarios

Leer Comentarios

La cousa fou que, van unos meses, dalgún anónimu fizo un comentariu nos foros de la páxina. N'este comentariu falábase mal del rei del pitu fritu ési. Tiempu despuós, a ún de los alministradores que l.levan la páxina cuando tienen vagar (nun sacan una perrona d'el.lo, nun pueden ver los 250 mensaxes nuevos que se publican ca día), chegó-y una carta diciéndo-y que tenía un xuiciu por ese asuntu, culpándolos de "ataque al honor". De siguío, quitaron el comentariu, pero yara mui tarde.

Pero, ¿por qué?. ¿Nun iba ser más fácil que, no momentu nel que Ramoncín -ou'l miembru de la SGAE que fuera- vio ese comentariu, mandara un corréu al alministrador? ¿Por qué un xuiciu contra "alasbarricadas.org" ya non contra'l que fizo'l comentariu -siguir una IP yia bien fácil-?. Too ésto nun sou quien a entendelo ensin metelo nun contestu.

Yia ese contestu chámase "Ley de Servicios de la Sociedad de la Información", una l.lei na que la SGAE fizo por meter la pezuña pa controlar internet yia poder zarrar webs ensin permisu xudicial, ya acusar al proveedor d'internet. Nun fueron quien, pero siguen emburriando, ya la súa estratexa, agora, ya facer oficial lo que inda nun consiguieron meter na l.lei por outros medios: sentar precedente con este xuiciu ya outros (frikipedia, por exemplu).

Si la sentencia yia desfavorable a alasbarricadas.org darían un pasu de xigante na censura n'internet. ¿Quién iba arriesgase a tener una páxina con foru, ou un simple blog, si por cualesquier comentariu iban facer responsable al dueñu de la páxina, embede responsabilizar al autor del mensaxe? Internet nun yia un l.libru, eiquí nun hai censura previa, nun hai intermediarios, éso yia lo que-ys jode.

Pola l.libertá d'espresión, ¡a las barricadas!.

Dossier completu

Güei más que nunca, facer alcordanza d'ese cantar de Leño col que Rosendo tan bien caló a Ramoncín:

Ahora mola el Rock and Roll
me va la marcha
enchufa el exprimidor
es una ganga
ha llegado el descontrol
hay que aprovecharse
mete uno y saca diez
mira que farde.
Me he clavado un alfiler
en el pescuezo
me he juntado con los punks
soy un moderno
ahora me meo en el metro
nada me importa
y le pego hasta a mi padre
soy un pasota.

Pero dentro me pregunto
si duraré mucho
no será que estoy quemando
mi último cartucho
porque a decir verdad
no soy auténtico
y engañar al personal
es muy polémico.

Leer Comentarios

Veo tamién que'l 24 de noviembre hai, outra vuelta más, una cita n'Uviéu. Vou tar al.lí, anque, ca vez más, sou más partidariu del día a día. Non sólo na l.lingua, en tolo demás. Nun val de ná tener unas ideas si nun las l.levas al planu real. Nun valen disculpas, nun val pensar en qué van decir de tí, que van pensar que tas l.louco ou que sos un pueblerín. L'outro día un familiar alcordábase de la fala de los sous vieyos namás con ver un panfletín de la Xunta Moza no miou conceyu. ¡Cómo-y prestó ver aquel "yía", aquel.los "dreitos" ou un simple "anantias"! A min valme más ésto que vente manifestaciones.
Sí, pa tomase en serio a unu mesmu pienso qu'hai que falar ya vivir acorde colas ideas. Sinon van arramplanos lo pouco que tenemos, que yia na menos que las nuesas cabeza, la nuesa personalidá, nos mesmos. Seique paga la pena un esfuerzu.

Un saludu a tola comunidá asturbloggera, gracias a la que, nos dous últimos días, enteréime de tolo que pasara nel branu d'Asturias (la pena yia que nun hubo sorpresas). Agradecer especialmente a la xente que sacó alantre proyeutos cumo "llinguablog", "nireblog", "ximiélgame"...

Leer Comentarios

Prestaríame volver en dientro d'unos meses ya atoupame cola Asturias que you más quiero, l'Asturias obrera, que l.luita, que nun tien vergüenza en falar na súa l.lingua l.lariega. D'ilusiones viven l'home ya la muyer.
Quiero facer alcordanza de dous temas que m'esmolecen enforma agora mesmo, el de Cándido ya Morala, qu'inda nun acabóu, yia'l de Xose Antón, militante de la Xunta. Dous casos de represión, d'amenaza (ya cumplimientu) de cárcel que buscan metenos miéu. Nun van ser quien, vamos glayar tolo alto que faiga falta, si nun nos escuitan, polo menos que nun tean tranquilos. Espero que pa la que vuelva, al menos estos dous casos tean iguaos.

Suerte a tola comunidá astur-bloggera. Véovos nun tiempu.

¡Salú ya Puxa!

Leer Comentarios

CENSO ELECTORAL: 981.802
NULOS: 4.844
VÁLIDOS: 976.958

Nº. votos Reparto modificáu (% ya diputaos)

Naide---- 391.578 (40.2%) 18

PSOE----- 252.201 (25.9%) 12

PP------- 248.907 (25.5%) 11

IU-BA-LV- 58.114 (6.0%) 3

PAS-URAS- 13.314 (1.4%) 1

UNIDÁ---- 4.119 (0.4%)

AA------- 2.770 (0.3%)

PCPE----- 2.001 (0.2%)

IR------- 1.707 (0.2%)

¡Vaya cousas!. La xente n'Asturias, mayoritariamente, quiso votar a NAIDE, porque nun creemos no qu'hai. 18 escaños vacíos iban tar bien p'aforrase perras enforma. 18 Mercedes menos.
Ya tou ésto fáigolo porque dicen qu'Asturias yia "socialista". Non, mious nenos, Asturias yia abstencionista. Si garramos a 8 asturianos al azar, namás dous d'el.los votaron al PSOE, outros 2 al PP ya 3 NUN votaron. Asturias nun cree na representatividá d'estos fartones. Polo que parez, tampouco na d'outros minoritarios que cuntan con salvar el país con una papeleta ca cuatru años.

Fuente: Elecciones Asturias

Leer Comentarios

Leer Comentarios

(...)

Ruralidá destinada al ociu

Basáu na idea de ‘multifuncionalidá’, tán impulsándose modelos de ruralidá destinaos al folgar, segunda residencia ou ciudades dormitoriu, ya con una actividá económica cada vuelta más arreyada a los mercaos globales, al traviés del turismu rural ou de los servicios a la población urbana.
La doctrina de la UE, dende la reforma de la Política Agrícola Común (PAC) de 1996, plantega que la función de l'agricultura yá nun yia tanto la producción d'alimentos cumo la “custodia'l territoriu” con tintes ambientalistas. Por embargo, cuesta creer que la diversificación económica que plantega vaya compensar la desaparición de millón y medio de puestos de trabayu nel seutor agrariu dende los ‘80, ou la conservación del territoriu ya los recursos naturales que éstos realizaban. Demientras, nel mediu rural caltiénse'l sou procesu de desarticulación, énte l'avance del desiertu demográficu; la falta d'equipamientos ya servicios públicos; la degradación del mediu ambiente arreyada a la industrialización de la producción agraria ya al abandonu de los espacios menos rentables; la especulación urbanística ya del suelo; ya la sou condición de sumideru de los residuos urbanos.

(...)

Leer Comentarios

Ya you que siempre penséi qu'a los malos actores contratábenlos porque yaran guapos, mira tú que pa tener que gastar más de 20.000.000 millones de pesetas en pintate pa tar decente, ties que ser bien xostru. Ou eso, ou ya que-ys sobran cuartos yia nun saben en qué gastalos.

Leer Comentarios

Asina, Cristina Coto (diputada del PP) prometéu una estación d'esquí en L.leitariegos, ya cumo prehí hai una Parque Natural, pues quítase dafeitu ya eiquí nun pasa nada. Too el.lo porque "Si no explotamos nuestros recursos naturales de una manera coherente, estamos abocados a una mayor despoblación de la que estamos padeciendo".
Sí ho,Cristina:
-Una estación d'esquí yia un recursu natural. Los remontes son naturales, las urbanizaciones que vais facer tamién (ésto yia lo que suel facer rentable una estación d'esquí), los aparcamientos ya la nieve artificial de los cañones... ¡pues claro que yia un recursu natural que TENEMOS qu'usar!.
-Las estaciones d'esquí nun evitan la despoblación. Más bien cambian los sitios de manera tala que la xente del l.lugar dexa de sentise identificada con él. Los puestos de trabayu son, polo xeneral, de mui baxa calidá. ¿Ónde ta'l dineru que l.lega d'Europa pa las zonas protexidas, pa crear ya apoyar a las PYMES?.

Al día siguiente, URAS-PAS promete facer una cousa un pouco rara. Faise la estación, pero nun se quita'l Parque, namás un cacho. Sí, home, ya n'Europa van permitítelo, porque nun afecta nada a la flora, fauna, paisaxe... ya demás recursos naturales qu'hai ya que ficieron que se declarara'l Parque. Nun puede haber un Parque Natural "a la carta", cumo si las actividades humanas nun-y afectaran.

Anque nun sía d'esta zona, van unos días pudimos ver un reportaxe en La 2 sobre la polémica de la Estación d'esquí de San Glorio (Lleón). Mui interesantes, ya que falan del turismu de nieve en xeneral:

-Parte 1
-Parte 2
-Parte 3

Mas info: FAPAS, Plataforma pola Defensa de San Glorio, blog d'un esquiador.

Leer Comentarios

¿Con cuántos cuartos se quedan los que permiten ésto?

Fonte: El Pais

Leer Comentarios

Cuntaba l'autor de "Las venas abiertas d'América Latina" n'una reunión una historia bien guapuca.
Un día, un cocineru (de buon talante, pienso you) arrexuntóu na súa cocina, a la vera'l l.lar, a las pitas, los gochos, las xatinas ya los cordeiros. Cuando taban toos entrugó-ys, mui democráticu él:
-¿En qué salsa queréis que vos cocine?
Los animales nun sabían qué responder. Namás, pasáu un ratu, una pita irguióuse medio acobardada ya dixo:
-You nun quiero ser cocinada.
-Ah, non -respondió-y'l cocineru-, esa nun yia una opción.

Leer Comentarios

Salvái les foques (Dixebra)

Hebo equí un planeta azul cuantayá
Qu’ainda perprietu se camudará
La capa d’ozono tien furacos yá
Dientro d’unos años ¿quién será a alendar?

Salvái les foques, salvái les ballenes
¡Non a un mundiu nuclear!

Apetiguñaismos nes vuestres ciudaes
Acutando sitiu na escala social
Afalaismos siempre a consumir más
A los vuestros fíos que-yos quedará

Salvái les foques, salvái les ballenes
Non más pieles, ¡nin cuarteles!

Vertíos, velenu, estráis a la mar
Tolo que vos sobra dempués de xintar
Los que pasen fame podrán la matar
Coles vuestres armes, pa vos el "metal".

Salvái les foques, salvái les ballenes
Dexáinos ¡yá en paz!
Sal-vai-vos

(¿ASTURIES O TRABAYES?, 1993)

Siéntelo eiquí

Leer Comentarios