La esfoyaza GuGara.com http://asturies.gugara.com/esfoyaza Llugar bien amañosu pa la reflexón surrealista Fri, 03 Sep 2010 03:35:30 GMT GuGara.com http://asturies.gugara.com/imagenes/logo.png http://asturies.gugara.com 109 http://www.ketari.com Un poco de respetu http://asturies.gugara.com/esfoyaza/post/2010/08/24/un-poco-de-respetu http://asturies.gugara.com/esfoyaza/post/2010/08/24/un-poco-de-respetu Babayones ensin vergüenza falamexen sobre'l mio pais, igüen podredorios qu'esparden pa chiscanos coles sos mentirrises. La xente estranxero abluca de les ratoneres qu'atopen per ende.

Lo peor ye qu'equí tamos cegaratos. Va tiempu qu'esto ye inaguantable. Na Xunta'l Principáu fai falta un poco de respetu.

Leer Comentarios

]]> Tue, 24 Aug 2010 16:03:32 GMT Una bona gadaña http://asturies.gugara.com/esfoyaza/post/2010/08/01/una-bona-gadana http://asturies.gugara.com/esfoyaza/post/2010/08/01/una-bona-gadana Entamen los rosales a xorrecer al empar que los sos mentideros. Desfalen pa nada nun dicir, pa callar les sos miseries. Contratalanten, que ye otru mou de refugar lo que necesita Asturies.

Enfótense nos mentideros que salen peles sos bocones. Podre vacíu enllenu escayos.

Ai, quién tuviere una bona gadaña. Yo'l garabatu lu tengo preparáu yá pa tanta broza qu'hai qu'arrastrar.

Leer Comentarios

]]> Mon, 02 Aug 2010 02:37:02 GMT xuntandanza, la http://asturies.gugara.com/esfoyaza/post/2010/07/19/xuntandanza-la http://asturies.gugara.com/esfoyaza/post/2010/07/19/xuntandanza-la xuntandanza, la: sust. Aición y efeutu de xuntandar. 2. Dícese de les xuntances (n'especial de dellos partíos) lentes y abegoses. 3. Enfermedá (qu’infesta a munches persones nacionalistes al mesmu tiempu nun pueblu, nun país).

[Más aceiciones encamentaes a l'ALlA pa la so inclusión nel so próximu Diccionariu de la Llingua Asturiana pues atopales na categoría Diccioesfoyaza]

Leer Comentarios

]]> Mon, 19 Jul 2010 23:36:29 GMT Al borde del abismu http://asturies.gugara.com/esfoyaza/post/2010/06/21/al-borde-del-abismu http://asturies.gugara.com/esfoyaza/post/2010/06/21/al-borde-del-abismu Fartonando la conseyeraduza ta pel país, dientro la so sesera apoltrona'l bon xacíu. Plizcos d'Asturies debalen per ende. Aína será nenyures.

Falo, lleo, escribo. Dacuando callo. Too paez poco cuando la verdá priende nes coraes. Empruna ye la patria al borde d'un abismu.

Leer Comentarios

]]> Tue, 22 Jun 2010 00:59:15 GMT Silenciu http://asturies.gugara.com/esfoyaza/post/2010/05/27/silenciu http://asturies.gugara.com/esfoyaza/post/2010/05/27/silenciu El silenciu ta fechu de vaciu. A costafecha pa fundise a lo callandino na solombriega zuna de lo que nada nun dice. Un furacu muertu baxo la nada, la ferralla mudo de l'ausencia onde añera la voz parao.

Atalantái, sicasí, que'l silenciu ye tamién un cavilgu. Y dacuando una respuesta, gociosa como la vida, pa quien sepa escuchar.

Leer Comentarios

]]> Fri, 28 May 2010 00:52:09 GMT Too apodrez http://asturies.gugara.com/esfoyaza/post/2010/04/30/too-apodrez http://asturies.gugara.com/esfoyaza/post/2010/04/30/too-apodrez Cuanto más aminorga'l mio país, más crez un podredoriu. Porque too apodrez per ende. Hai xente afogao de tanta rosa podriza.

Ye hora, camiento, de podar ciertos matos. De sacar morgazu y quemalo. De barrer pa fuera de casa tanta puxarra.

Leer Comentarios

]]> Fri, 30 Apr 2010 13:36:02 GMT Respuestes http://asturies.gugara.com/esfoyaza/post/2010/04/10/respuestes http://asturies.gugara.com/esfoyaza/post/2010/04/10/respuestes Una colgadura nel universu ye la vida, un mordiatu al escaezu, una entruga que tien por respuesta un oxalá.

Si atopes esti besu, como migayu de pan, éches-yoslu a los paxarinos. Ye la mio última manera de ser llibre cuando la muerte alcuentre mio casa.

Camiento qu'esti mundu atropa tanta tristura como tenrura y respuestes alcuentro en ciertes pallabres.

Leer Comentarios

]]> Sat, 10 Apr 2010 17:37:10 GMT Búscase flonda http://asturies.gugara.com/esfoyaza/post/2010/03/25/buscase-flonda http://asturies.gugara.com/esfoyaza/post/2010/03/25/buscase-flonda El Goliat ye un elefantontón qu'espataya de mou illegal a la formiga. Anecia como un morgañón qu'anecia como un morgañón. Si Miguel Ánxel llevantare la tiesta ablucaría dafechu col estropiciu que tán faciendo col so David.

Búscase flonda.

Leer Comentarios

]]> Fri, 26 Mar 2010 01:25:47 GMT Recasorios http://asturies.gugara.com/esfoyaza/post/2010/03/21/recasorios http://asturies.gugara.com/esfoyaza/post/2010/03/21/recasorios Pasín ente pasu caleyamando a conceyu, pa falandar pel caminón enforma emprunu de la dignidá. Quien lu percuerra que nun cuerra, lo bien fecho, bien paez, diz mio güela.

Hai casorios perdayuri. Y divorcios a la vuelta de la esquina. Lo peor son los recasorios, que ye otra manera de tomanos por fatos.

Leer Comentarios

]]> Mon, 22 Mar 2010 00:43:01 GMT El próximu añu http://asturies.gugara.com/esfoyaza/post/2010/03/07/el-proximu-anu http://asturies.gugara.com/esfoyaza/post/2010/03/07/el-proximu-anu Una manera de llegar a la conciencia ye empobinar camín pelos sentíos. Necesario ye equí onde asturien vezos milenarios, que ye otra manera d'escaecer.

Percorrieron los sentíos p'algamar direutos la conciencia de poca xente. Menos ye quedar como tábemos. Y el próximu añu, otra vuelta a quien-y correspuenda.

Leer Comentarios

]]> Mon, 08 Mar 2010 01:41:57 GMT bloguetu, el http://asturies.gugara.com/esfoyaza/post/2010/02/21/bloguetu-el http://asturies.gugara.com/esfoyaza/post/2010/02/21/bloguetu-el bloguetu, el: sust. Términu usáu por xente non venceyao a la llingua asturiana pa referise a un conxuntu de blogues [onde escriben persones de carauterístiques llingüístiques comunes, que son marxinaes pol restu la sociedá].

[Más aceiciones encamentaes a l'ALlA pa la so inclusión nel so próximu Diccionariu de la Llingua Asturiana pues atopales na categoría Diccioesfoyaza]

Leer Comentarios

]]> Mon, 22 Feb 2010 01:58:45 GMT El salmón http://asturies.gugara.com/esfoyaza/post/2010/02/12/el-salmon http://asturies.gugara.com/esfoyaza/post/2010/02/12/el-salmon Espatuxa esti país baxo'l calcañu de los sinvergonzones, como un salmón contracorriente que pide fuelgu y naide ye quien a da-y tira. Somorguiaos nos rabiones pica'l salmón n'anzuelu que-y ponen de contino. Arrecostina'l salmón les bregues que dalguna vegada ganó.

Hai un mundu qu'argaya y baxo l'agua de nada sirven les pallabres. Ye hora de que'l salmón saque la tiesta.

Leer Comentarios

]]> Sat, 13 Feb 2010 01:52:54 GMT Babléfobos y babléfilos http://asturies.gugara.com/esfoyaza/post/2010/01/21/bablefobos-y-bablefilos http://asturies.gugara.com/esfoyaza/post/2010/01/21/bablefobos-y-bablefilos Llevántase'l telón. Llargando pela boca faen de mio casa babayolandia. Llargues llingües tien la xentecaya llinguatero, babléfobos qu'anoxan. Baxa'l telón y nun ye un chiste

Lleo sobre homes de llingua escrita, pa nada llinguateros. Biblófilos y babléfilos.

Lo demás sigui igual. Los d'arriba siguen afogando, mentanto los otros siguimos intentando sacar la tiesta.

Leer Comentarios

]]> Fri, 22 Jan 2010 02:43:35 GMT Vivo nun requexu http://asturies.gugara.com/esfoyaza/post/2010/01/05/vivo-nun-requexu http://asturies.gugara.com/esfoyaza/post/2010/01/05/vivo-nun-requexu Vivo nun requexu, que ye dicir vivir nun quexu una y otra vuelta. Quéxome y mexo ¿qué? Naide sabe porque ensin camín, nun hai sebe onde esparder les agües menores. Y cuando nun hai prehistoria, la historia nun tien oficiu nin beneficiu.

Lo meyor ta por saber. Nesti requexu espero la sabencia.

Leer Comentarios

]]> Wed, 06 Jan 2010 03:30:43 GMT Ye una peonza http://asturies.gugara.com/esfoyaza/post/2009/12/26/ye-una-peonza http://asturies.gugara.com/esfoyaza/post/2009/12/26/ye-una-peonza Énte la contradicción una y otra vuelta, contrallectura y más volteretes. La política ye una peonza que davezu marea.

Asina les coses, voi tomar una aspirina enantes de soplar les veles.

Leer Comentarios

]]> Sun, 27 Dec 2009 04:13:07 GMT prexuntar http://asturies.gugara.com/esfoyaza/post/2009/12/20/prexuntar http://asturies.gugara.com/esfoyaza/post/2009/12/20/prexuntar prexuntar: 1. intr. Aiciones y socesos previos a la xuntanza (n'especial de dellos partíos) talos como griesques, rocees o creación de microcorpúsculos asociativos clónicos (unos d'otros). 2. tr. Facer aiciones favoratibles pa la xuntanza (n'especial de dellos partíos) ensin enfotase nello (Prexuntáronse unos llamaos a los responsables pero nun respondió nin dios).

[Más aceiciones encamentaes a l'ALlA pa la so inclusión nel so próximu Diccionariu de la Llingua Asturiana pues atopales na categoría Diccioesfoyaza]

Leer Comentarios

]]> Mon, 21 Dec 2009 02:48:21 GMT A tomar vientu http://asturies.gugara.com/esfoyaza/post/2009/12/17/a-tomar-vientu http://asturies.gugara.com/esfoyaza/post/2009/12/17/a-tomar-vientu Camuda'l tiempu, aporta'l fríu ivernizu, como una tristura enforma xigante. Ye la época de los tunturrones y los mazapanolis, pero n'Asturies llevamos xintándolos dende abenayá.

Por embargu, per un llau y per otru xente asturiano hai farto d'eses llambiotaes. Y nun son los únicos. Col fríu paga la pena tar en casa y l'añu qu'entra mandar a tomar vientu los dulces.

Leer Comentarios

]]> Fri, 18 Dec 2009 02:52:13 GMT Afitar los pegollos http://asturies.gugara.com/esfoyaza/post/2009/12/09/afitar-los-pegollos http://asturies.gugara.com/esfoyaza/post/2009/12/09/afitar-los-pegollos Hai países que pagaríen por ello. El nuestru viéndelo enforma barato. Inda más, como los horros o teitos, val más esgoncialo y pagar a calatraves o niemeyers.

Paradoxa que la Ilesia nun mire pa ciertes ilesies. De cierta xentecaya, que siempre se pasó la cultura asturiana pel forru les sotanes, nun hai qu'escaecese.

¿Hasta cuándo esti debalar como un país ensin xacíu?, ¿cuándo afitar los pegollos pa parar l'esbarrumbe?

Leer Comentarios

]]> Thu, 10 Dec 2009 02:08:37 GMT Escoyístila bien http://asturies.gugara.com/esfoyaza/post/2009/11/28/escoyistila-bien http://asturies.gugara.com/esfoyaza/post/2009/11/28/escoyistila-bien A mio güelos siempre-yos sintí dicir «Ribeseya, Llastres, Lluces». Y mio güelu díxome cuando conoció a la mio moza «escoyístila bien». Y dacuando m'entruga «¿tais yá arrexuntaos?».

Que nun venga nengún manguán agora a falta-yos el respetu. Hai coses coles que nun se xuega.

Leer Comentarios

]]> Sat, 28 Nov 2009 12:43:08 GMT Síndrome d'Estocolmu y Linux http://asturies.gugara.com/esfoyaza/post/2009/10/30/sindrome-destocolmu-y-linux http://asturies.gugara.com/esfoyaza/post/2009/10/30/sindrome-destocolmu-y-linux Ye enforma ablucante lleer ciertes coses. Les víctimes afalaguen al verdugu. Y viceversa. N'Asturies sobra síndrome d'Estocolmu y falten desplantes.

Per otra banda, Linux ye un aliviu ente tantu espertu sietemesín. Hailos que breguen contra corriente y paga la pena moyase con ellos.

Leer Comentarios

]]> Fri, 30 Oct 2009 15:45:54 GMT