Col 16% de los votos quedóse l’alvertencia de la UNESCO sobre’l peligru que cuerre l’asturianu al nun tener mayor proteición llegal. Mientres que’l nomamientu de Xosé Lluis García Arias como Caderalgu de Llingua Española, 22 años depués de que los “sensatos y pensantes” impidiéranlu polos sos prexuicios, quedóse col 11% de los votos.

Leer Comentarios

Sr. Rector, srs. Vicerrectores, srs. Claustrales:

Conceyu Universitariu pol Asturianu (CUPA)
El Conceyu Universitariu pol Asturianu apoyó a Vicente Gotor, Rector de la Universidá d’Uviéu, na campaña electoral y dende entós reconocemos los pasos daos na institución a favor del asturianu nel primer añu y mediu de mandatu, principalmente los siguientes:

-Usu del asturianu per parte del Rector en dellos actos.

-Impulsu de les enseñances d’asturianu en Filoloxía y Maxisteriu, per primer vez na hestoria oficiales.

-Creación d’un Reglamentu d’Usu del asturianu nel Rexistru de la Universidá, qu’anque insuficiente supón un avance.

El CUPA, qu’apoyó la campaña de Gotor y trabaya col equipu rectoral nestos avances, entiende’l que’l principal llogru ye’l cambiu d’actitú de la dirección de la Universidá d’Uviéu, que yá nun vive d’espaldes a la llingua asturiana, sinón qu’entiende la so normalización como parte del so trabayu.

El Rector y el so equipu abieron importantes espectatives y el Conceyu Universitariu pol Asturianu entiende amás, qu’agora ye’l momentu d’acelerar estes polítiques llingüístiques na Universidá, con nueves midíes que sirvan pa normalizar l’asturianu na Institución.

Sabemos que se trabaya nesos pasos, pero l’equipu rectoral nun pue dexar esi llabor pa muncho más alantre.

Pero esta cuestión nun pue quedar namás en manes del equipu rectoral, tien que participar tola comunidá universitaria, faciendo pola normalización del asturianu: Conseyu d’Estudiantes, Facultaes y Escueles, PAS, Defensor Universitariu…

Volvemos a reiterar el nuesu apoyu en toles iniciatives que supongan avances pa la llingua asturiana dientro de la Universidá asturiana y convidamos a tolos miembros del Claustru a trabayar na mesma dirección, con una collaboración crítica pero lleal, el consensu ye imprescindible nesta cuestión.

La nuesa norabona al equipu rectoral, con esos “peros”, y cola confianza de que van saber cumplir con too aquello a lo que se comprometieron cola comunidá universitaria.

Inaciu Galán y González, miembro del Claustru, voceru de los representantes del CUPA nel Claustru.

Respuesta del Rector Vicente Gotor:

“Desde el Rectorado no estamos en contra del asturiano, todo lo contrario, estamos demostrando estar a favor”

“Corresponde al Gobierno de Asturies, y no a nosotros oficializar el asturiano”

Leer Comentarios

Leer Comentarios

Les palabres d’Arias-Cachero nun taben diches al Albur. Nos tiempos nos que Fermín Canella yera rector de la institución uvieína, encargó que se reeditara la esbilla poética qu’ellaborara Caveda unos cincuenta años enantes pa dar lluz d’esa manera a la que foi la primer publicación en llingua asturiana. Y tanto ún como otru yeren, según dixo en Villaviciosa Inaciu Iglesias, presidente de la Fundación, «illustraos y asturianistes, porque la Illustración y l’asturianismu siempre foron de la mano».

Énte un aforu abarrotáu, José Suárez Arias-Cacherio dio-y la bienvenida a Gotor ?depués de tresmitir a los presentes el saludu d’Enrique Castro Quini, que nun pudo tar presente nel actu? y felicitólu por entrar a formar parte d’una fundación que lleva’l nome d’un «illustráu, modernizador y lliberal» como Caveda y Nava y pola so «manera de ser abierta al mundu», amás ?y esto yera lo más importante? de pola so actitú pa cola llingua asturiana, que «dende los tiempos de Canella nunca tuvo un rector que se preocupara tanto con ella, y eso que non toos yeren precisamente de Calatayud», añadió en referencia al orixe aragonés de Gotor, que s’instaló n’Uviéu n’ochobre de 1977, hai agora 32 años. Arias-Cachero quixo facer un repás pelos méritos del rector na so triple dimensión de «científicu, rector y ciudadanu» enantes de llanzar dalgún ataqué más o menos soterráu a la política llingüística del Gobiernu y a rematar la cosa concluyendo que «la nuestra ye una sociedá onde lo que pasa nun importa, y lo qu’importa nun paso».

Precisamente, la siguiente en facer usu del turnu de palabra foi Consuelo Vega, directora xeneral de Política Llingüística, que foi muncho más breve y namás quixo limitase a da-y la norabona al rector y a agradece-y «l’apertura de rexistros al asturianu dientro de la Universidá y la regulación de los estudios del idioma del país». Gotor, pela so parte, reconoció ?tres esclariar que depués de trenta y dos años viviendo n’Asturies siéntese «totalmente identificáu con esti territoriu»? qu’al recibir la noticia del nombramientu sintiérase mui agradecíu, anque tamién «abrumáu pola responsabilidá de tar al altor de les circunstancies». El rector ?que lleó’l so discursu n’asturianu? dixo que los méritos qu’él tenía pa ser patronu d’honor de la Caveda y Nava yeren «menos de los que representa esta distinción», y fixo un balance pelos dieciocho primeros meses del so mandatu (empezando pol encierru de los miembros de la Xunta pola Defensa de la Llingua nel claustru del Edificiu Históricu de la Universidá esixendo la implantación de los estudios d’asturianu dientro de la Facultá de Filoloxía) pa dicir qu’a la fin pudo demostrar el so compromisu cola llingua «siempre dientro del marcu llegal de que disponemos». «Préstame cumplir colo que prometo», dixo, «y el mio compromisu col idioma asturianu yera dalgo que yá taba reflexao nel mio programa electoral».

Inaciu Iglesias, presidente de la Fundación, vinculó al asturianismu cola Illustración, colos nombres de Xovellanos y Caveda y Nava por bandera, pa dicir que «los illustraos defendíen l’asturianu precisamente porque defendían la cultura universal», y quixo dexar claro que «nun va ser el parllamentu asturianu’l que traiga la normalización; tenemos que ser nós los que llevemos la normalización al parllamentu asturianu». Dalgo que, según les sos palabres, parez tar cada vez más cerca. «La lluz del conocimientu», concluyó, «ta acabando pasu ente pasu cola escuridá de los prexuicios».

Leer Comentarios

Redacción

El Conceyu Universitariu pol Asturianu (CUPA) celebró al traviés d’un comunicáu, el nomamientu de Vicente Gotor, Rector de la Universidá d’Uviéu, como patronu d’honor de la organización, lo que supón, pal CUPA “un reconocimientu al so llabor a favor del asturianu”, y en pallabres de la Fundación pola mor del “compromisu de Gotor cola llingua y l’actitú que vien mostrando hacia l’idioma del país dende que se convirtió na máxima autoridá de la institución académica”.

El CUPA, qu’apoyó la campaña de Gotor y”trabaya col equipu rectoral nestos avances”, entiende esti nomamientu como un reconocimientu a “los pasos yá daos nel primer añu y mediu de mandatu del cabezaleru universitariu”, pero sobre manera a “les espectatives abiertes pol Rector pa la normalización del asturianu”. El CUPA entiende amás, que “ye’l momentu d’acelerar estes polítiques llingüístiques na Universidá, con nueves midíes que sirvan pa normalizar l’asturianu na Institución”.

Al actu, que va celebrase esti sábadu, 28 de payares, en Villaviciosa. El Conceyu Universitariu pol Asturianu va unviar a dellos representantes, col envís de “felicitar al Rector pola reconocencia recibida y a la Fundación Caveda y Nava polo acertao de la so decisión”.

Más información: Páxina del CUPA

Leer Comentarios

El Conceyu Universitariu pol Asturianu (CUPA) vien d’amosar la so gayola pol nomamientu de Vicente Gotor, Rector de la Universidá d’Uviéu, como patronu d’honor de la fundación Caveda y Nava, distinción que se fairá efectiva mañana 28 de payares en Villaviciosa. Pal CUPA’l nomamientu supón un reconocimientu a los pasos yá daos nel primer añu y mediu de mandatu del cabezaleru universitariu, pero sobre manera a les espectatives abiertes pol Rector pa la normalización del asturianu.

Sicasí, el CUPA quier espresar que ye’l momentu d’acelerar eses polítiques llingüístiques na Universidá “con nueves midíes que sirvan pa normalizar l’asturianu na Institución”. La organización universitaria recuerda que sofitó la campaña de Gotor y que trabaya col equipu rectoral nos avances del idioma. Del mesmu mou, el CUPA reseña que va unviar al actu de Villaviciosa a representantes de la so organización pa felicitar al Rector, pol nomamientu, y a la Fundación, “polo acertao de la decisión”.

Leer Comentarios

27/11/09
El CUPA (Conceyu Universitariu Pol Asturianu) celebra´l nomamientu, mañana sábadu, 28 en Villavicioa, del Rector Vicente Gotor como patronu d’honor de la Fundación Caveda y Nava, y pide "más midíes de normalización del asturianu na Universidá"

El CUPA ve´l nomamientu como un reconocimientu al llabor del Rector alredor del asturianu na universidá, anque entiene que deben tomase nueves midíes mas profundes pa normalizar la llingua asturiana na facultá. La candidatura de Gotor a Rector de la Universidá fue sofitada pol CUPA.

Más fontes:

VII Xornaes Fundación Caveda y Nava

Leer Comentarios

Al actu, que va celebrase esti sábadu, 28 de payares, en Villaviciosa. El Conceyu Universitariu pol Asturianu va unviar a dellos representantes, col envís de felicitar al Rector pola reconocencia recibida y a la Fundación Caveda y Nava polo acertao de la so decisión.

Dirección del Conceyu Universitariu pol Asturianu

Leer Comentarios

¿Vicente Gotor trata bien a la llingua?
Si pensamos en los últimos rectores, evidentemente. Quizá haya que decir en su favor que el hecho de proceder de fuera favorece la ausencia de prejuicios de que hicieron gala otros rectores anteriores.

¿Su tratamiento actual (el del asturianu) en la Universidad es el adecuado?
Pese a la buena voluntad que reconozco en el actual rector, el tratamiento legal que surge por ejemplo de las últimas disposiciones sobre el uso oficial del asturiano en la institución es anecdótico. No entra en el fondo de la cuestión.

Leer Comentarios

Los actos del 28 de payares van empezar a les doce del mediudía con una ufierta floral na casa natal de Caveda y Nava, en Villaviciosa. Media hora depués, la Casa la Oliva –sé de la Fundación Cardín– va acoyer el actu d’acoyida al rector. Nesi mesmu marcu va proyectase un videu ellaboráu pola propia Fundación onde se recueye la propuesta que fai’l colectivu pa desbloquiar la situación del idioma asturianu, incluyendo lo que podía ser un modelu pa la redacción del artículu IV del Estatutu d’Autonomía. El discursu del presidente de la Fundación Caveda y Nava, Inaciu Iglesias, y de José Suárez Arias-Cachero –conceyal de Cultura d’Uviéu–, que va ser l’encargáu de facer la presentación de Gotor, van preceder al ingresu definitivu del rector na nómina de patronos d’honor del colectivu.

Nestos últimos años, la llista de patronos d’honor de la Fundación Caveda y Nava vieno sumando nomes como los de Pilar Fernández Pardo, Hugo Morán, Enrique Castro Quini, Carmen Ruiz-Tilve, Gabino Díaz Merchán o Isidro Martínez Oblanca. A los actos del 28 de payares, que van concluír con una espicha de celebración, van poder asistir toles persones que quieran.

Leer Comentarios

Leer Comentarios

Redacción
Boligrafos, camisetes, taces y otros productos col lema “Universidá d’Uviéu” apaecíen va dellos meses pa la venta na so tienda universitaria y agora, y nun tiempu bien curtiu, tán escosaos dafechu na tienda de la Universidá. Una amuesa del ésitu d’esta iniciativa normalizadora dientro de la institución educativa, entamada pol equipu de gobiernu del Rector Vicente Gotor.

Según pudo saber la redacción d’Asturnews, nes próximes selmanes la Universidá d’Uviéu va recibir nueves tiraes d’estos productos rotulaos n’asturianu, que nel futuru van siguir medrando en variedá.

Leer Comentarios

Redacción

El Conceyu Universitariu pol Asturianu ta acabante anunciar la suma d’un miembru más de les sos candidatures al Claustru de la Universidá d’Uviéu, el máximu órganu de representación de la Institución.

Según esplicó’l CUPA nun comunicáu, “la fin de los estudios d’otru candidatu del Campus de Xixón fizo que-y llegare’l turnu a un representante del CUPA”. Una madre na representación que pa los activistes universitarios supón que’l Conceyu Universitariu pol Asturianu pueda “llevar les reinvidicaciones asturianistes al Claustru y trabayar dende ellí con más fuercia pa que la llingua asturiana dea pasos na Universidá d’Uviéu y los asturfalantes vean reconocíos los sos drechos na institución educativa asturiana”.

El CUPA anunció amás “sigue amás coles sos actividaes dientro de la Universidá”, añadiendo “que pronto va dar importantes pasos na normalización y promoción del asturianu, como yá vieno ocurriendo dende’l pactu ente esta organización y l’equipu del Rector Gotor”. Ente les acciones destacaes pol CUPA tán la entrada del asturianu nos estudios oficiales de Maxisteriu y Filoloxía, los primeros discursos n’asturianu d’un Rector en 400 años d’Universidá d’Uviéu, y la puesta en marcha d’otres iniciatives, como la torna de la páxina web (anguaño en marcha), la edición de material corporativu n’asturianu, la rotulación billingüe de delles actividaes, etc.

Leer Comentarios

Setiembre 25, 2009 por E.P. / Redacción

El Conceyu Universitariu pol Asturianu (CUPA) mostró la so felicitación al Rectoráu pola "aprobación oficial d'estudios n'asturianu", en referencia a l'aceptación, per parte del Conseyu de Gobiernu de la Institución, de los cuatro nuevos títulos de grau de la Facultá de Filoloxía, qu'inclúin el Minor de Llingua Asturiana, "títulu que pon a esti idioma la primer vegada nel sistema oficial d'enseñances".

El CUPA quiso espresar "la so felicitación a la Universidá d'Uviéu pola aprobación definitiva de los estudios" y espera que "nel futuru los estudios d'asturianu sigan ampliando'l so espaciu, aspirando la organización a la creación futura d'un grau de llingua asturiana".

Amás, recuerdó "que ye'l momentu de crear, dientro de la Facultá de Filoloxía, un Departamentu propiu pa la Filoloxía Asturiana, qu'anguaño ta representada namás con un grupu d'investigación, el Seminariu de Llingua Asturiana".

L'aprobación d'esti plan ye, dende'l puntu de vista del CUPA, "un pasu hestóricu pal asturianu, qu'entra la primer vegada dientro de les enseñances reglaes y oficiales universitaries".

Leer Comentarios

El Conceyu Universitariu pol Asturianu (CUPA), con presencia nel Claustru de la Universidá d'Uviéu, asegura que bien lleu van dase «pasos importantes na normalización y promoción del asturianu» na institución académica. El CUPA señala que, «como yá viento asocediendo dende'l pactu ente esta organización y l'equipu rectoral de Vicente Gotor, van ponese en marcha iniciatives rellacionaes cola llingua autóctona, como la traducción de la páxina web de la Universidá, la edición de material corporativo o la rotulación billingüe de delles actividaes.

Otra manera, el CUPA anuncia qu'acaba d'amestar un miembru de la so organización al Claustru de la Universidá. Esta incorporación producióse al acabar los sos estudios otru representante estudiantil, lo que dio pasu al claustral del CUPA.

L'asocación estudiantil afirma que col aumentu de la so representación «va poder llevar les reivindicaciones asturianistes al Claustru y trabayar dende ellí con más fuercia pa que la llingua asturiana dea pasos na Universidá d'Uviéu y los asturfalantes vean reconocíos los sos derechos na institución educativa asturiana».

Leer Comentarios

OVIEDO, 24 (EUROPA PRESS)

El Conceyu Universitariu pol Asturianu (CUPA) mostró hoy su felicitación al Rectorado por la "aprobación oficial de estudios en asturiano", en referencia a la aceptación, por parte del Consejo de Gobierno de la Institución, de los cuatro nuevos títulos de grado de la Facultad de Filología, que incluye el Minor de Llingua Asturiana, "título que pone a este idioma por primera vez en el sistema oficial de enseñanzas".

El CUPA quiso expresar "su felicitación a la Universidad por la aprobación definitiva de los estudios", y espera que "en el futuro los estudios de asturiano sigan ampliando su espacio, aspirando la organización a la creación futura de un grado de lengua asturiana".

Además, recordó que "es el momento de crear, dentro de la Facultad de Filología, un Departamento Propio para la Filología Asturiana, que actualmente esta representada sólo por un grupo de investigación, el Seminariu de Llingua Asturiana".

La aprobación de este plan es, desde el punto de vista del CUPA, "un paso histórico para el asturiano, que entra por primera vez dentro de las enseñanzas regladas y oficiales universitarias".

Leer Comentarios

UVIÉU, 24/09/2009
El Conseyu de Gobiernu de la Universidá d'Uviéu ta acabante d'aprobar los cuatro títulos de grau nos que se dividirán los estudios de la Facultá de Filoloxía, dientro del Espaciu Européu d'Educación Superior, ente los que tán el Mínor d'Asturianu, títulu que pon al asturianu per primer vegada nel sistema oficial d’enseñances.

El Conceyu Universitariu pol Asturianu (CUPA), organización independiente asturianista y universitaria na que participen alumnos, personal d’alministración y servicios y vieyos alumnos y que cunta con representación nel Claustru de la Universidá d’Uviéu, quier espresar la so felicitación a la Universidá d’Uviéu pola aprobación definitiva de los estudios. El CUPA espera que nel futuru los estudios d’asturianu sigan ampliando’l so espaciu, aspirando la organización a la creación futura d’un Grau de llingua asturiana.

Amás, el CUPA, recuerda que ye’l momentu de crear, dientro de la Facultá de Filoloxía un Departamentu propiu pa la Filoloxía Asturiana, qu’anguaño ta representada namás con un grupu d’investigación, el Seminariu de Llingua Asturiana.

L’aprobación d’esti plan ye, dende'l puntu de vista del CUPA un pasu hestóricu pal asturianu, qu’entra per primer vegada dientro de les enseñances reglaes y oficiales universitaries.

Dirección del Conceyu Universitariu pol Asturianu

Leer Comentarios

XIXÓN, 28/07/2009
El Conceyu Universitariu pol Asturianu (CUPA) tuvo noticia a entamos d'esti añu de qu'ún de los sos miembros, alumnu de la Universidá, presentare una Memoria del Practium de la Diplomatura de Turismu escrita en llingua asturiana. La comisión encargada de la calificación d'esti trabayu imprescindible pa superar la Diplomatura, esixía al alumnu qu'entregare'l mesmu en castellán, pa dalu por válidu.

Col asesoramientu del CUPA, l'alumnu en cuestión aconceyó cola dirección de la Escuela Universitaria Xovellanos ya informó de la llexislación vixente, que protexe a los alumnos de la Universidá d'Uviéu, como queda afitao na Llei d'Usu del asturianu de 1998 y nel artículu 6 de los Estatutos de la Universidá d'Uviéu, que diz "naide podrá ser discrimináu pol usu del asturianu na institución".

A la fin, la dirección de del centru, atendiendo a la normativa llegal actual sobre la que se-y informó, dio-y la calificación de sobresaliente a la Memoria orixinal, redactada n'asturianu.

El CUPA felicita a la Escuela Universitaria Xovellanos de Xixón pol reconocimientu d'un drechu democráticu, que recueye la llei y al alumnu en cuestión por caltenese firme pa que se-y reconozan los sos drechos. Ye esta la manera, de qu’esti fechu seya normal nel futuru, y non namás una feliz anécdota.

Esti casu vien a amosar que trabayando na Universidá y al traviés del diálogu ye posible que se dean avances significativos na reconocencia de los drechos de los estudiantes que quieren usar l'asturianu na so vida diaria, y tamién qu'esiste un conflictu abiertu na mesma, qu'ha solucionase cola reconocencia absoluta de la igualdá de drechos pa los usuarios de castellán y asturianu.

El CUPA anima a los alumnos de la Universidá d'Uviéu a que nun s'autocensuren nel usu de la llingua asturiana, y presenten trabayos y faigan esámenes usando l'asturianu, pues entendemos que la normalización social de la llingua nunca nun se va dar si los miembros de la comunidá falante nun faen un usu normal de la mesma. En casu de tener cualesquier problema, el CUPA va ufrir el so apoyu lloxísticu y llegal, pa defender el drechu humanu a espresase na llingua materna.

Pa más información nun dulden en ponese en contactu con nós

Dirección del Conceyu Universitariu pol Asturianu

Leer Comentarios

Leer Comentarios

Leer Comentarios