Quasimodo
22/01/2010
Refiérome a los mínimos democráticos. L'empeñu por prohibir y sancionar d'estos gobiernos tanto central como autonómicu pámique yá pasaron de la raya un bon pedazu.
Cuando los recortes de llibertaes y l'enclín descomanáu por sancionar dayuri lleguen a los estremos a los que tamos llegando, entramos de capitón nuna cosa distinta a un estáu de derechu.
Reculamos asina nel tiempu y recobrar les llibertaes básiques entama a ser la reivindicación principal. Por exemplu, la llibertá d'espresión, que fai agua per tolos llaos. La última les torgues pa emitir de Radio Sele. Y la ultimísima los problemes que peñeren sobre la rede d'internet.
Nestes circunstancies d'avance ensin frenu de los recortes de llibertaes básiques, escurque vamos tener qu'empezar a entruganos mui seriamente si ye democrático, cenciellamente democrático y propio de demócrates, collaborar col partíu y col poder que gobiernen a niveles d'estáu y asturianu.
¿Democracia? ¿Por qué dos partíos s'alternen nun gobiernu onde la xente vota a caballu ganador y non a calidá? Les llibertaes son dalgo colo que suañen los utópicos y xueguen los poderosos (partíos seudodemodráticos incluyíos).
Reculamos a los tiempos preconstitucionales de la transición.
Salú.
Amestar feed a:
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
