Quasimodo
30/12/2009
"Cuando siento falar d'inteleutuales echo mano a la pistola".
Esta ye una frase célebre nacida alrodiu de la cabera guerra civil, dicha en castellano.
Los inteleutuales, los qu'empleguen la lletra y el papel como sospechosos d'antipatriotismu, de foroñu qu'esmigaya los pegollos d'un réximen. Lo deseable y patriótico son la pistola y la bota militar.
Los estremos tóquense. Anguaño hai una xermandía qu'amuesa un criteriu peculiar. Pue facese país, militando equí o ellí, diendo a manifestaciones, pegando cartelos o vendiendo pegatines. Hasta escribiendo en diarios, llibros, o revistes, siempre que la lletra tea claramente impreso, pero...
Hai una esceición. L'equivalente actual a los intelectuales d'antaño. Ye la xente que realiza'l so trabayu al traviés de la rede, del mundu virtual. Precisamente l'ambitu au más rabiosamente se pue utilizar la llibertá d'espresión ensin xuncise a servilismu dalu. Y la llibertá d'espresión manca. Nunos casos a los encerrizaos nes virtudes prusianes al serviciu de llíderes indiscutibles. Notros, a los vendíos por puestos, perres, y prebendes al réximen clientelar y corruptu asturianu.
Y toca entós la criminalización internáutica. El que faiga'l so llabor al traviés d'un tecláu y una pantalla (herederu de los que lu fixeron col papel y la pluma, o cola máquina d'escribir) ye una puxarra asturianista, un escarrapiu: basura inteleutual que non solo nun aporta nada, sinón qu'estorba.
Esa ye la situación "paramilitar facistoide" a la que llegaron ciertos grupos marutaos d'asturianistes, nacionalistes, izquierdistes, y vete tu a saber cuánto más. La so aportación cimera al debate asturianu ye la de concluir categóricamente que'l trabayu intelectual desendolcáu al traviés d'internet ye una rémora y una moñolada qu'atenta contra les más fondes esencies del patriotismu asturianu.
Al final, ye mui fácil reconocer cuándo nos alcontramos delantre d'estos individuos: si-yos xuxuries qu'escribes y sopelexes los tos pensamientos al traviés d'un ordenador, echen por actu reflexu les manes a los cadriles buscando les pistoles.
Porque, vuelvo a repitilo, los estremos tóquense.
Magar que tienes tola razón, collaciu, solo una cosina: la fras cola qu\\\'entames nun tien nada que ver cola Guerra Civil. Ye de Goebbels, menistru de propaganda del III Reich. Dixo: \\\"Cuando siento falar de cultura, echo mano a la pistola\\\".
Saludinos.
Gracies pola aclaración. Y yá de pasu, a ver si pal 2010 escribir na rede dexa de ser "sospechoso de folganzanería antipatriota" pa dellos...
Salú.
Entamó la 2ª edición de "Vota'l meyor blogue". Prestaríanos que participares, pa ello, encamentámoste echa-y una güeyadina a les bases na web www.votalmeyorblogue.webcindario.com
Amestar feed a:
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
