Quasimodo
21/12/2009
Hai xente que trata de construir un discursu asturianu con mayor o menor fortuna. Un discursu que debiere valir p'actuar na realidá tratando de camudala llevándola hacia finxos cada vegada más asturianos.
Tamién hai xente que se dedica a enredar y pasalo bien iguando discursos imposibles ya surrealistes. Nun-yos importa un res la realidá nin camudala. Afáyense nel alderique sobre'l sexu de los ánxeles como en cá güelu.
Vendríanos bien enfotanos n'estremar a unos y otros.
Y nun entrar al trapu de les espiriques de rapacinos mentales qu'enxamás van escutruxar por más años que pasen.
Porque si perdemos el nuestru tiempu con ellos, enxamás vamos ser pa entainar pel camín de la defensa de lo asturiano.
Vamos dexalos a ellos colos sos trebeyos.
Y nosotros a lo nuestro.
Pues ser más explícitu? Nesi argumentariu entra dende'l PAS hasta Sofitu...A qué te refieres? Qué propones?
Salú!
Refiérome a cualquiera que se niega a debatir sobre los problemes actuales de la nuestra sociedá asturiana y sólo ta dispuesto a aldericar sobre cuestiones ideolóxiques (finxos utópicos). Exemplos:
o independencia o nada
o socialismu o nada
o Asturies de Santiyana o nada
Y asina un llargu etcétera.
Los finxos ideolóxicos son importantes y ta bien desarrollalos, pero ensin usalos de xida pa inorar la realidá actual na que nos movemos. Estremar dambes coses y saber trabayar en cada una d'eses dos estayes (desendolcu teóricu y actuación na realidá) ye lo que diferencia una mente políticamente infantil d'otra con mayor grau de maurecimientu.
Salú.
Eso ye. Eso que dices ye clave pa una Xuntanza. Salú.
Amestar feed a:
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
