Quasimodo
02/10/2009
Inyecten a la banca perres sacaes de los bolsos de toos y dempués pasen coses como la xubilación del dirixente del BBVA que llevantó ronches nos últimos díes. Dempués eches una güeyada a les nómines de tanta xente que trepa compo pue, tranquilizantes incluios, pa llega a final de mes y observes que-yos llanten retenciones que van dende los 300€ a los 600€. Casi nada.
Dempués vien el gobiernu de ZP a vendenos la moto del beneficiu de la xuba d'impuestos que quier aplicar a partir de Xunetu del añu que vien, a lo zorro y pel branu. Y too ello col aplausu de los sos mamporreros asturianos que van dende socialistes, a comunistes y nacionalistes, axuntaos toos ellos na izquierda plural. Xente que nun país de paraos, emigrantes y mileuristes alcagüeta too esto tan feliz.
Y too esto pasa porque tamos somorguiaos na mierda de la indecencia y la desvergüenza ensin llendes. De les cares de cementu y de la desfachatez cimera. Al que-y toque que se h.oda. Esa paez que ye la conseya que fai de finxu guía nesta sociedá de probetayos qu'apocayá se creyíen los más ricos y los reis del mambu.
Pero toles trampes rescamplen. Y l'espeyismu del fontán d'agua fresco camuda a la hora la verdá nel sable caliente del desiertu.
Les élites polítiques gobernantes tán dándonos comu panzorru. Tamos pasándolo mal y vamos a peor. Anguaño la llibertá viéndese nes farmacies en forma de tranquilizantes y nos chigres etiquetada de vinu perronero.
Nun nos queda nada.
Sigo sin entender como pudieron dar tantisimo dinero a los bancos, para que taparan sus deudas y luego se volvieran a endeudar, con lo cual, tiraron todo ese dinero a la basura. Hubiera sido mas sensato crear puestos de trabajo y darle el dinero al pueblo, que es quien realmente mueve la economia.
Amestar feed a:
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
