Quasimodo
11/06/2009
Si la reivindicación llingüítica asturiana llegó al día de güei ye porque se basó nun movimientu autónomu de los partíos. Y tien que siguir siendo asina. Porque hai partíos qu'utilicen el tema llingüísticu como estratexa namás, y si dalguna vegada yá nun sirve a esa estratexa, refúguenla y acabóse. L'asturianu ye un patrimoniu llingüísticu de tolos asturianos. Tiense dicho a esgaya, pero convién recordalo una vez más. L'ideal sería que tolos ciudadanos y tolos partíos la consideraren asina, que la utilizaren y que la defendieren. Pero, como rescampla, esto nun ye asina. Apoyar daqué que vaya en favor de la llingua dependiendo del que lo proponga ye un flacu favor al nuestru idioma llariegu. Pero ye lo que comprobamos, desgraciadamente, en más d'una ocasión. Delles veces entrúgome qué pasaría si'l PP, por exemplu, plantease un día la oficialidá claramente. Y yo mesmu me respuendo bastante convencíu que podría alcontrar, guapamente, la oposición de los que vienen durante años posicionándose, teóricamente, a favor d'ella. Porque una de les miseries de la política ye esa: bien de veces, nun se sofita o se rechaza una propuesta basándose nel análisis de la mesma, sinón en función de que seya afín o enemigu políticu'l que la proponga. Como, desgraciadamente, nel nuestru País Asturianu, tamos inda en mantielles n'abondes coses, y nel llingüísticu tamién, tovía hai abonda xente que considera que l'asturianu ye cosa de "los del bable" o de los "nacionalistes/asturianistes". Y non. Ye cosa de tolos asturianos. Y debiere ser cosa de tolos partíos que los representen al traviés de les urnes.
Yá se vio coles "crítiques" d´IU (¡esos asturianistes!) a les recientes propuestes del PP asturianu a favor de la Llingua nel enseñu. La esquierda "plural" d´esti País ye una vergoña total, una llaceria. Reclutaren a Xuan Bello y a dellos medios "asturianistes" (con enclín monopólicu, por ciertu) pero son la llaceria d´Asturies. Saludinos.
Si me dexes apuntar una cosina diríate que l´asturianu ye patrimoniu de TOLA HUMANIDÁ, pero somos los asturianos los que tenemos nes manes que nun se desanicie, ye la nuesa responsabilidá, xunto colos demás falantes del dominiu. Si los politicos almiten que perder l´asturianu pa siempre nun ye un problema (en munchos casos ye l´idioma de les sos families) ¿que pensaran de que se desanicie´l bretón, el quechua, el sardu,...o hasta l´italianu?Yo nun quiero vivir nun planeta onde namas se falen 3 llingües, nun quiero que tos pensemos nin falemos de la mesma manera. Y eso entama actuando dende la puerte de mio casa faciendo usu d´´un de los elementos que inda güei tenemos la posibilidá de dicir que los asturianos podemos aportar la riqueza y diversidá cultural de la Humanidá, la nuesa llingua asturiana.
Un saludu.
http://emburriando.nireblog.com
D'alcuerdu colos dos. Si acasu añadir que l'últimu espectáculu de la Xunta Xeneral alrodiu de la llingua muestra'l nivel de les fuerces polítiques que nos representen (y onde hai hasta una formacioón nacionalista). Lo más preocupante pa min que que puedan representar fielmente a la manera de pensar y actuar de la población asturiana.
Salú.
Amestar feed a:
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
