Quasimodo
07/06/2009
Yá tenemos ehí a la estrema derecha verdá picando a la puerta de la Xunta Xeneral. El partíu anti-llingua y anti-identidá asturiana consolidáu n'Asturies y virtualmente dientro'l nuesu parllamentu a la vuelta de 2 años. Nun s'esbarrumbó enforma IX y al final igual-y lo tenemos qu'agradecer y too, pol aquel de facer de contrapesu, polo menos. Los nacionalistes acollecharon lo que semaron. Nun pinten un res, magar va falta-yos tiempu de xuro pa sacar una montonera xides al so ridículu y otra montonera de valoraciones positives, porque equí'l que nun se consuela ye porque nun quier. Agora a siguir apostalgando a un llugar secundariu la llingua y la identidá. Agora a siguir poniendo na picalina de les prioridaes el machucar al otru pa ser tu l'incuestionable referente. Agora a siguir confundiendo'l mundu virtual col real. Si dalgún tenía duldes, los datos nidios apurríos polos númberos ten ehí: el nacionalismu asturianu, no que se refier a formaciones polítiques, ta muertu y enterráu. La única posibilidá ye una refundación sofitada nuna xuntanza de toos nun proyectu nuevu que ruempa, dafechu, colo esistente hasta güei. La estrema derecha tenémosla ende, enchipada y dispuesta a frayanos dende les nuestres instituciones históriques. Y los nacionalistes a niales, o por meyor dicir, a palos. Como siempre.
Pin yes un aburríu y un pesáu. Vais vinir tu, Rivas y restu de Beleños a salvanos a toos, a qué si?
gORRUMBU: yo toi contigo. La situación ye mui peligrosa.
A Carlos saludalu y agradece-y la visita.
Y a " ya t'oyí, navaya": pues metete comigo tolo que te pete y más, pero rogaríate que nun ataques a persones ayenes a esti blogue y que nun tán equí pa defendese.
Amestar feed a:
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
