Quasimodo
31/05/2009
Que nun va ser too enguedeyase y esguedeyase con problemones y pilancos de toa mena. Que tamién hai que parase a alendar y garrar fuelgu. Y allegrase dacuando, que tol puñefleru día penitenciando nun hai so madre que lo aguante. Asina qu'a estes hores toca echar un ixuxú y los más gayoleros blincar tamién o tirase de calón nuna fonte d'Uviéu o de Xixón. Que, rediola, l'Uviéu ascendió y el Sporting mantúvose. Y ente tanta llaceria y esmolición tamién hai qu'acuta-y sitiu a la folixa y la celebración. Y pa detrás, dempués de siete meses pasaos pol fríu y l'agua esti fin de selmna escampló, rescampló'l sol y subieron les temperatures como pa ponese ciegu a sidruca. Y namás. Pues eso, recóime, que norabona a uvieínos y sportinguiestes, y norabona a los asturianos que tuvieron güei a pique de que los valtare un bálamu del aforfugu de siguir los dos partíos. Que por una vegada salieron les coses bien, que yá nos probecía...
Amestar feed a:
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
