Quasimodo
21/12/2009
Hai xente que trata de construir un discursu asturianu con mayor o menor fortuna. Un discursu que debiere valir p'actuar na realidá tratando de camudala llevándola hacia finxos cada vegada más asturianos.
Tamién hai xente que se dedica a enredar y pasalo bien iguando discursos imposibles ya surrealistes. Nun-yos importa un res la realidá nin camudala. Afáyense nel alderique sobre'l sexu de los ánxeles como en cá güelu.
Vendríanos bien enfotanos n'estremar a unos y otros.
Y nun entrar al trapu de les espiriques de rapacinos mentales qu'enxamás van escutruxar por más años que pasen.
Porque si perdemos el nuestru tiempu con ellos, enxamás vamos ser pa entainar pel camín de la defensa de lo asturiano.
Vamos dexalos a ellos colos sos trebeyos.
Y nosotros a lo nuestro.
17/12/2009
Critiquemos abondo a Valledor cuando protestaba y siguía ocupando'l so puestu parllamentariu.
Agora toca felicitalu pola coherencia de dexar esi escañu ante l'enfrentamientu cola llinia oficial de la coalición.
Agora a los que lleven les riendes d'IU y BpA esbarrumbárense-yos les xides. Queden ensin mázcara a la vista toos.
El que dicen que va sustituir a Valledor, Roberto Colunga, ye miembru destacáu d'una fuerza política que se define como nacionalista d'izquierda y va tener en bandexa demostrar qu'esto ye asina y que nun nos taben tomando'l pelo.
Ensin la mázcara valledoriana p'amatagar la collaboración vergoñosa col gobiernu clientelar y fondamente antiasturianu, y la sustitución previsible nel escañu, lo que queda de llixislatura autonómica pue resultar anque seya un mizquín más interesante.
Interesante y a cara descubierta.
A ver qué pasa.
09/12/2009
Toos recordamos el pasu per Asturies d'esti pesonaxe eclesiásticu. La zuna que mostró durante tolos años que tuvo ente nosotros a la llingua asturiana. Aquel episodiu inenarrable y incalificable asocedíu alrodiu del funeral del xesuíta padre Fierro Botas.
Por suerte pa nosotros coló pa tierres valencianes y desaniciémonos asina del peor ovispu que trió esti suelu en munchos años.
Y, namás aterrizar nel so nuevu destín, faltó-y tiempu p'adeprender valencianu. Agora, amás, declárase valedor y partidariu de celebrar mises en valencianu tamién.
Ehí tenemos la demostración de la fonda xuntanza ente ilesia y poder. N'Asturies el poder ta contra l'idioma asturianu y Osoro violo darréu y actuó en consecuencia. en Valencia les coses pinten d'otramiente y actúa en consecuencia tamién. La so metamorfosis foi meteórica.
De la que nos dexaba la gran y inestimable bendición de la so partida, n'Uviéu homenaxeábenlu y dedicáben-y una cai siguiendo asina con una llarguísima tradición asturiana de empicorotiar no más alto a aquellos que desprecien lo más xenuino y propio d'esta tierra como pue ser la llingua de Marirreguera... Que, por cierto, yera cura. ¡Qué burlles nos fai dacuando la historia!
07/12/2009
Ye'l nome d'una activista saharaui en fuelga de fame col consiguiente peligru pa la so vida.
Nesti momentu, la única xida que se-y ocurre al Gobiernu Español ye alimentala a la fuerza.
El Gobiernu Marroquí amenaza al Español con un deterioru de les relaciones.
El portavoz d'IU declara que'l problema foi dexala entrar n'España.
Los diarios dixitales asturianos nun mencionen el tema salvo Infoasturies.
Los partíos nacionalistes d'izquierda asturianos tampoco nun mencionen el tema.
El responsable de l'Axencia Asturiana de Cooperación, D. Rafael Palacios nun gorguta sol tema.
Una activista lluchando polos drechos d'un pueblu dexáu a la so suerte y arriesgando la so vida.
Una comedia política vergoñosa protagonizando ún de los espectáculos más indignos de la historia reciente.
Que Aminatu Haidar salve la so vida pola so propia voluntá.
Ye lo que daveres deseo.
19/11/2009
Hai escritores qu'escriben nesti idioma porque-yos dio'l rixu por ello, porque-yos peta, o porque s'afayen espresándose nél, y namás. Ello nun quita pa que, dacuando, participen nun concursu, o manden un trabayu a dalguna editorial a ver si hai suerte y consiguen publicar.
Tamién hai escritores qu'escriben nesti idioma única y esclusivamente pa presentase a concursos, o si hai dalgún amiguín editor que, vía subvenciones del poder, publíca puntualmente los sos testos. Arriendes d'otros asuntos como consiguir un puestu cultureta o hasta políticu a deu, acudir a congresos y fastos varios colos gastos pagos, etc.
Dos postures pa col idioma que nun son ximielgues y que s'estremen bien con simplemente fixase. Porque equí, como nel anunciu televisivu de les oveyes churres y merines, unos y otros paécense, pero nun son lo mesmo.
Indecencia y desvergüenza. Mujer Sigo sin entender como pudieron dar tantisimo dinero [...]
Equí multando y ellí robando. Mujer Y pensar que son muy pocos los casos [...]
Coherencia y mázcares fuera. Mujer Si muchas personas se quitaran las mascaras veriamos [...]
Puerta pesllada y puerta entornada. Mujer Esperemos que esto sea el primer paso para [...]
Los mínimos yá nun se cumplen. Quasimodo Reculamos a los tiempos preconstitucionales de la transición. Salú.
Amestar feed a:
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
