Crítica al panorama social, con especial pricuru pa col mediu ambiente.
22/11/2007
Son muitos más de 30, seique, pero éstos son los que pueden vese agora na web de "El Pais", qu'acaba d'abrir too'l sou archivo a consulta de baldre. Ya agora que tamos na puerta de salir, outra vuelta, a la cai, ta bien cha-y una güeyada a esas noticias que pasaron un día pol "diario independiente de la mañana". Yia curioso ver qu'hai muitas cousas (demasiadas) que nun cambian. Vense las mesmas discusiones, los mesmos errores, por supuesto los mesmos "actores". Cambia, si acaso, el trato al asturianu: enantias chamában-y bable, agora vese más lo d'asturianu ou "llingua asturiana".
Dalguna de las nuevas que más me prestaron foron éstas:
-"El polémico renacimiento del bable", del ano 79. Ehí vense a los Alarcos, Bueno, Xuan Xosé (yá avise que los protagonistas nun cambiaron).
-"Falemos galego, los bables y el caló", de un tal Eduardo Barrenechea, que parezme que foi un conocío economista.
-La creación de l'Academia ya, cumo non, las críticas d'un tal Chus Neira
En fin, too un recital de lo que, 30 anos despuós, tamos fartos de sentir. A ver si, d'una puñetera vez, somos quien a facelos zarrar esa bocona que tienen.
P.D.: chisbando pol archivu, enteréime d'una cousa bien graciosa. A X.X. Sánchez Vicente echáronlo del PSOE por dicir "¿Qué haz esi paisanu ahi faciendo ginasia colos brazos en cruz?" refiriéndose, na menos, qu'a una figura de Cristo na cruz. Hai X.X., esa boca piérdenos.
Licencia:Libre Licencia de documentación Libre (Inglés)
Interesante esa escoyeta de noticies. Ye lo guapo de restolar pela rede. Anque por desgracia sirva, como dices, pa danos cuenta de lo poco que camudó la cuestión. Saludos.
Hahahaha.... Esti Xuan Xosé ía mundial...
Home, pa min la situación, anque numái sía polos recursos económicos que se destinan a la llingua asturiana ya pol mayor reconocimientu, camudóu.
Tamién camudou na midida que la "Banda Zorocotroca" vei empequeneciendo ya vein quedando menos. Gustavo Bueno perde credibilidá cada vuelta qu'abre la bouca, Alarcos yá nun ta, Jesús Neira prácticamente tampouco, Esteban Graciet lleva palos por tolos llaos...
Agora, pa los cuatro de la F$A, que mandan cumo ta mandao, pa esos nun camudóu nin res.
De todas maneras, lo prestosu ía que... ¡Veimos ganar ya la llingua Asturiana vei ser oficial ya Javier Fernández ya Gracia Noriega vein tener que tragarrrrr!
Una estratexa típica d'esta xente que falais y de los medios que los apoyen ye facer comentarios col envís de que la xente entre al trapu y dar la imaxen ante la sociedá asturiana de que l'asuntu la llingua ye polémicu y nada claru. Y una y otra vez éntrase a esi trapu y dáse-yos cancha. Esteban Greciet lleva 30 años na prensa diciendo lo mesmo. Si sigue otros 30. ¿Qué vamos, pasar 60 años retrucando?.
Muitas gracias polos comentarios. Pamidea qu'avances hubo, pero viendo lo que se falaba va 30 anos, paez que tamos no mesmo. Pa'l "xanu'l caborniu" (peime que yia la primer vez que dexas un comentariu, muitas gracias), you pienso que lo que tenemos de facer nun yia dexar de retrucá-y a esta xente, lo qu'habíamos facer yia tomar la iniciativa, ya ver cumo esta xente fai por contestanos a nós, non al revés. De la que faigamos éso, vamos tener un pasín más dao.
Ya van 30 años??? Ojala algun dia nos la concendan ..
Esperemos que nos quede menos tiempo, porque tantisimo tiempo ( desde que pusisteis esta entrada, hasta el dia de hoy ) despues, aun seguimos sin conseguir nada de nada.
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
