Crítica al panorama social, con especial pricuru pa col mediu ambiente.
26/10/2007
L'anu pasáu por estas fechas la revista semanal de "El País", conocida entós cumo "EPS" dedicába-y un númaru a los Premios Príncipe. Podéis imaxinar lo que cuntaban, ya lo que non. Nun momentu d'impotencia, envie-ys una carta, d'esas que nin piensas, que vas cubriendo rengleras según te vienen a la cabeza las ideas. Nel númaru 1570 (29 d'outubre de 2006) espublizáronla. Eiquí la dexo n'asturianu:
Un númaru enteiru (1568) dedícan-y na revista de "El País" a los Premios Príncipe ya nin una crítica, nin una sola nota discordante. Cuando pasa ésto, suel ser síntoma de daqué que chirría, de daquién que nun ta contándonos toa la verdá. N'este casu, por desgracia, ese daquién yía la súa revista.
Despuós de l.leer este númaru, cualesquiera vei quedase con una imaxen que pienso yia la que buscaban dar n'este medio: las xentes del norte, aquél.las que vivimos acul.lá del Payares, sumíos na eterna borrina, pasamos cada anu cuntando los días que quedan pa la entrega de los premios, los días que faltan pa salir na tele, pa ser visitaos por grandes personalidaes, insignes políticos ya xenerosos monarcas, pa ver las cais del nueso Uviéu engalanadas con flores... Qué llonxe de la relidá queda esta descripción.
Quitando'l propio día de la entrega, pa cuando la xente, movía polos "mass-media", sí-y da a la parpayuela sobro los actos, el resto l'anu pasan estos galardones ente'l más absoluto desinterés. Si acaso, un seutor de la población írguese con vozona crítica contra el.los, al consideralos un derroche, un despilfarru, un actu pomposu nuna rexón que tien las cifras de paru más altas del estáu (demientras, entregámos-y 50.000 € a Bill Gates o a J. K. Rowling), qu'inda sufre la decadencia de la mina, del sector siderúrxicu, del naval, del campu o de la pesca. Pouco tienen que ver estos galardones, nin la mayoría de los sous galardonaxs, cola tradición d'este pequenu país, colas súas l.luitas obreras, colas súas füelgas de mineros. Nun se cuál yía'l fin de tanta alfombra, de tanto hotel de luxu ya pefumes de Channel, pero lo mínimo yia qu'espeyaran, n'esta revista, esa "outra" realidá.
Ya, puestos a informar, vamos escomenzar diciendo au naz el títulu de "Príncipe de Asturias" que da nome a estos premios. Naz, sí señor, nel anu 1388, cumo medio pa controlar, dende'l reinu de Castiel.la, un territoriu que se torna peligrosu de manera periódica. L'herederu de la Corona podría, por aquél entós, poseer estas tierras, de manera qu'iba encargase de nomar rexidores ya alcaldes. Güei básta-y con decir unas pal.labras nun día señaláu. Del resto seique s'encargan los ustedes (los medios).
P.D.: el títulu cambiáronlu por un sosu "Faltan críticas"
Licencia:Libre Licencia de documentación Libre (Inglés)
Siguiremos ehí, amosando la nuestra voz crítica. Bona carta, collaciu ;)
Buenes...
Alcuerdate que ya hai sitiu d'alcuentru definituvu pal "I Sidra&Blogues". Ye la sidrería "Los Lagos" na Plaza'l Carbayón. Diremos dempués de finar el conciertu de "La Bandina" que va haber dempués de la mani. Tienes tola información y la esplicación de cómo llegar, nesta páxina:
http://24payares.wikispaces.com/
Vémonos el sábadu.
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
