Crítica al panorama social, con especial pricuru pa col mediu ambiente.
22/10/2007
Sorprendéume, outra vuelta, el voceru del PP. Nun pensaba yá qu'iba salinos con declaraciones d'este xeitu nas que, nun momentu, pon panza p'arriba tola investigación sobre cambio climáticu. Ya failo de forma chambona, porque val que él sía incapaz de xebrar ente dous ciencias bien diferenciadas cumo meteoroloxía (el tiempu que vei facer mañana) ya climatoloxía (el clima que vei facer en ¿300? anos). Pero sorpréndeme que, no sou equipu, nun haya naide capaz de preparái-y daqué meyor.
Ou, igual, l'oxetivu yara ése, tracamundiar, engañar, confundir a la xente. Cousa tala namás tien un nome: demagoxa, bilordiu.
Yá veis, si you, al ver a la túa buela, nun soi quién pa saber cuál yia la súa edá, ¿cumo vei haber daquién que sepa la edá d'un fósil? -argumento rajoydianu-.
Licencia:Libre Licencia de documentación Libre (Inglés)
claro y ye que el que nun traga cola la estafa a mayor escala del orbe ye un facha , un malvau y un bilordieru ! Vade retro !
Esto ye el resultau de dar la corruptisima ONU perres a espuertes pa la "demostracion" del calentamientu global , una parte de la comunida cientifica va-y el sueldu en demostrar que esto ye el fin del mundu. Los que mas griten nun son necesariamente los que tienen la razon.
Naide nun ye a producir al dia de guey un modelu completu del clima de la tierra , nun sabemos si hay calentamientu , si ye coyuntural o definitivu , si ye natural o si ye obra del CO2. Nun hay consensu.
Recordemos lo de la capa de ozono que doba caesenos la piel a cachos ,, que aunque pararemos inmediatamente de llanzar los CFC a la atmosfera la capa d'ozono diba seguir menguando otros 70 anhos mas pol efectu de los gases ya lliberaos ,, y que el consensu cientificu a tal efectu yera total y absolutu acuerdeste d'eso ?
La capa d'ozono recuperose y cuano nunos anhos seya evidente que esto ye un cuentu tamien otra cosa inventaran. Eso si Al Gore seguira riendose camin del bancu a cuntar los sos millones.
Recomiéndote, si me lo permites, que l.leas más revistas cumo Science ou Nature, quiciaves las revistas más prestixiosas no ámbitu de las publicaciones científicas, ya menos El Mundo ou la COPE, que, a nivel científicu, seique nun tan al par de las outras dúas. Claro que se pueden criticar las teorías científicas (una gran diferencia cola relixión yia l'admisión de la posibilidá del error). Pero nos últimos seis anos nun s'espublizó n'esas revistas nengún (nengún) trabayu que desmintiera el cambio climáticu, ya nenguno (nenguno) que desvinculara dafeitu este cambio de l'actividá humana. Eso yia una verdá oxetiva, non un tracamundiu.
Que sepas que las primeras críticas sobro'l cambio climáticu nun vinieron de la comunidá científica (inda agora, yia una parte mínima la que diz que nun sía'l ser humanu'l que lo provoca), sinon que vinieron de consorcios cumo la la "Global Climate Coalition", vinculada a Exxon. El valor d'estas críticas yia igual que'l de las críticas feitas por empresas cumo la Phillip-Morris ente estudios que relacionaban el cáncanu del polmón col tabacu. Claro, que meyor fiase d'una empresa que tien por única idea ganar cuartos que de la "corrupta" ONU, ou del IPCC, formáu polos meyores científicos climatólogos del mundu.
"Naide nun ye a producir al dia de guey un modelu completu del clima de la tierra" ¿y? Esta crítica yia un absurdu, porque las ciencias esperimentales NUN son matemática, yia imposible reproducir nada que pase na naturaleza de manera esacta. Nun entendelo yia nun entender la ciencia.
"Nun sabemos si hay calentamientu". Sí, sabémoslo, hai calentamientu. Hai rexistros van más de 70 anos. Hasta los críticos del cambio climáticu lo admiten. Nun admitilo yia necedá.
"Si ye coyuntural o definitivu" ¿eso que te lo dixo Jiménez Losantos? ¿Cumo vei haber un cambio climáticu definitivu? ¿De qué tamos falando eiquí?.
"Si ye natural o si ye obra del CO2" Nun hai un estudiu espublizáu nuna revista seria que niegue la relación de las emisiones de CO2 col cambio climáticu.
"Nun hay consensu". Outra perlina. En ciencia yia malu qu'haya consensu, a ver si vamos entendiendo que la ciencia nun yia fe.
Lo que falas de la capa d'ozonu yia pa mexar yia nun char gota, porque dasme la razón. ¿Sabes cuál foi l'anu, desque hai rexistros, con menor densidá de la capa d'ozonu? ¿Sábeslo? 2006, l'anu pasáu, a ver si espabilamos, home.
Dúas cousinas p'acabar:
-Puéu ser más críticu que tú con Al Gore, con Zapatero yia con toa esa riestra de manguanes que s'apuntan a lo del cambio climáticu (ya a la súa sostenibilidá, ya a lo que sía) pal sou porgüeyu. Convídote a que m'enseñes ónde falo bien d'Al Gore.
-Ya lo más importante, ¿caíste na cuenta que na túa respuesta nun falas de nada que tenga que ver cola mía entrada? ¿Ves que lo que you critico yia que Rajoy confundió disciplinas científicias, qu'esbabayóu, que nun criticóu con argumentos científicos? Si quies falar usando argumentos científicos, encantáu, pa falar de política (peime que na túa respuesta hai más ideoloxía que ciencia) confundístete de post.
gracies pola to condescendencia :-)
Fred Singer (presidente del Science & Environmental Policy Project) o Patrick J. Michaels (research professor of environmental sciences at the University of Virginia), por dar un par de nomes que nun pertenencen o a el mundo o a la COPE.
El mundo o la COPE nun pertenecen necesariamete a les mis referencies mas inmediates llevando 8 anhos fuera de espanha.
Nun ye que la critica al cambiu climaticu venga de una corporacion malvada ye que la mesma existencia de la teoria del cambiu climaticu vien del IPCC que ye un organismu que vive literalmente de les perres del "cambiu climaticu" o sea de les perres que yo ( y tu ) pago por coyones via impuestos ...
L'ozonu ah ! el famosu furacu nunca foi tal solo sucedia duranta la primavera depues volvia a lo normal. Ye verda que durante los 80 sucedio mas hasta el 87, pero depues de eso nada ! aunque la concentración de CFC en la atmósfera nun entamo a disminuir hasta finales de los 90, comu reconocio la Organización Meteorológica Mundial (WMO).
Les cifras falen por si mesmes. De 1982 a 2006 el tamañu del furacu, en millones de kilómetros cuadrados, informacion de la NASA, ye el siguiente : 4, 8, 10, 14, 11, 19 (nesti puntu aprobose el protocolu de Montreal), 10, 18, 19, 18, 22, 23, 22, 22, 22, 21, 26, 23, 24, 25, 12, 25, 19, 24, 26. depues del incrementu de los 90 establizacion.
O seya un furacu de 4 a 26 KM ( aumenta y depues mengua ) nun terrritoriu que ta a mas del 10000 km ponganmos les coses en perspectiva.
Un saludu !
La verdad es que en el entorno politico el tema esta bastante delicado!
El problema de la politica en España lleva muchos años igual y parece que las cosas no van a cambiar, por lo cual, deberiamos de plantarnos todos los Españoles y exigir cambios de una vez por todas, porque si no, esto se va a pique mas aun.
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
