Crítica al panorama social, con especial pricuru pa col mediu ambiente.
19/10/2007
Nun me gusta'l comunismu d'estáu. Nun creo nel sistema establecío en Cuba. Nun me gusta una revolución de 50 anos. Despuós de decir ésto, paso a falar d'una nueva bien controvetía.
La revista New Scientist espublizóu un estudiu basáu nel cálculu de la güelga ecolóxica (método almitío pola ONU), según el que namás Cuba tien un "xeitu de vida decente pa los sous habitantes, ensin que consuman más que la proporción razonable de los recursos que-ys correspuenden" (crisisenergética.org) . Paez que, por muito que los políticos oucidentales chenen la bocona con sostenibilidá, el nueso xeitu de vida ta bien allonxáu de lo que'l planeta puede permitir. Paez que si tol mundu consumiera cumo nós, nun iba haber comida, augua ou enerxía pa to=s. Paez que somos un pouco aguarones, ¿non?.
Por outra parte, rebaxar un pouco l'ésitu de Cuba, ya que'l propio autor diz que, si nun fuora pol embargu, iban disponer de más recursos ya iban usalos (a eso tienden cuando tienen dalguna época de bonanza económica), polo qu'iban dexar d'averase a éso del desarrollu sostenible. Pa ser positivu, pensái que nuna situación d'escasez de recursos somos capaces d'organizanos p'adaptanos a esa situación. Ya podemos caltener un xeitu de vida bien amañosu.
Licencia:Libre Licencia de documentación Libre (Inglés)
El capitalismu opónse dafechu a la sostenibilidá polo que tien d'empobinar a la xente al consumismu más xabaz ya irracional. Eso ye asina y cualesquier discusión (lléase congresu, alcuentru o cume de países ricos) que nun parta d'esta premisa ye un querer engañar a la xente pa nun facer nada (bono, ye una opinión). Oxalá la to entrada, collaciu, ficiere pensar a dalguién. Saludos.
Nun séi si vei valir pa que dalguién piense (oxalá) ou dexe facelo, pol momentu valme a mi pa seguir aclariándome, ya p'asoleyar las mías ideas. Nun yia pouco.
Muitas gracias por seguir pasando priquí, pesie a la irregularidá de las actualizaciones.
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
