Crítica al panorama social, con especial pricuru pa col mediu ambiente.
08/07/2007
Este vienres 13 vou facer un añín col blog. Nun cuntaba chegar eiquí, la verdá.
Pero agora vou tener que dexalo, dous meses, por temas del l.labor. Nun vou poder celebrar bien l'añu, pero quiero agradecevos a tolos que pasasteis priquí, a los que pasáis, a los que dexasteis comentarios... gracias.
Prestaríame volver en dientro d'unos meses ya atoupame cola Asturias que you más quiero, l'Asturias obrera, que l.luita, que nun tien vergüenza en falar na súa l.lingua l.lariega. D'ilusiones viven l'home ya la muyer.
Quiero facer alcordanza de dous temas que m'esmolecen enforma agora mesmo, el de Cándido ya Morala, qu'inda nun acabóu, yia'l de Xose Antón, militante de la Xunta. Dous casos de represión, d'amenaza (ya cumplimientu) de cárcel que buscan metenos miéu. Nun van ser quien, vamos glayar tolo alto que faiga falta, si nun nos escuitan, polo menos que nun tean tranquilos. Espero que pa la que vuelva, al menos estos dous casos tean iguaos.
Suerte a tola comunidá astur-bloggera. Véovos nun tiempu.
¡Salú ya Puxa!
Licencia:Libre Licencia de documentación Libre (Inglés)
Nun t´esmolezas, tu marches pero munchos (cada día más) vamos siguir equí glayando y lluchando pola Asturies que merecemos, porque los que de verdá tienen mieu son ellos-nun lu escaezas-. La llibertá y la verdá puen baltiar les muries de toles prisiones.
Lleémonos en dos meses compañeru
Felicidaes, lleves munchu trabayu fechu y dos meses pasen rápido. Lleémonos en breve. Un saludu.
Felicidaes pol añu. Ye perdificil afitase nun mundu tan efímeru como la rede y siguir trabayando solu, por amor al arte. Hasta pronto.
Pues lo mesmo que dicen los compañeros, felicidaes pol añín y tranquilu, que nesto del asturianu, munches vegaes fai más quien quier que quien pue. La blogsfera tará equí esperándote. Un saludu.
Dos meses nun ye nada... esperaremos.
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
