Un MEME esfarrapando'l mundu Blog Asturies GuGara.com

esfarrapando'l mundu

Crítica al panorama social, con especial pricuru pa col mediu ambiente.

Sí, eso foi lo que recibí de la xente de Trayasgaya, xunto al "Fotolog de Raul" ya'l blog "Ai, un galan d'esta villa". He reconocelo, quedéime un pouco a cuadros, porque nun sabía lo que yara eso del "MEME". Paez ser lo mesmo qu'un xen, pero aplicáu a la herencia cultural. Ésti ta dedicáu, especialmente, a los blogs n'asturianu.

Lo que me fizo quedar pasmáu foi'l pensar que daquién considera'l miou blog cumo "cultura". Bromas (malas) a parte, agradézco-y a "Trayasgaya" que me pasara esti xuegu, que puede valir pa xunir un pouco a la comunidá asturbloggera.

Vou completalo:
Una tipografía: Incognito
Una páxina web imprescindible: uiquipedia, más bien tol universu "wiki" en xeneral.
Un blog n'outra l.lingua distinta del asturianu: en cuenta d'esto, vou poner un par de "redes" bloggeras, los "BlackBlogs" ya los blogs sobre ciencia de "Madri+d".

Agora tócame pasalo a tres blogs:
- El blog hermanu en Gugara: "La esfoyaza", de Ricardo Candás.
- Quiciabes, el primer blog que conocí n'asturianu: "El trasgu d'Areces".
- Ún de los más nuevos (que conozca you), pero de los que más griesca dan: "Fueya en blancu".

Licencia:Libre Licencia de documentación Libre (Inglés)

Comentarios