Crítica al panorama social, con especial pricuru pa col mediu ambiente.
02/03/2007
Los científicos parecen tar d'alcuerdu en que tamos viviendo la sesta gran estinción (la última foi la de los dinosaurios, hai 65 millones d'años). Pero esta tien daqué d'especial: produzse mui rápido (fálase de fasta 30000 especies al anu) ya ta producida por outra especia que yia consciente d'el.lo. ¿De qué manera provocamos esta estinción?. Las principales causas son, de más a menos importante:
- Estrozu del hábitat: tala de viesca, agricultura intensiva, construcción d'infraestructuras (autopistas, embalses...) que menguan l'hábitat de bien d'animales ya plantas.
-Contaminación ya cámbeu climáticu: degradan los hábitat, amás faise a una velocidá qu'impide a los seres desplazase ou adaptase. Outras estinciones produxéronse por estas causas, cumo la de los mamuts (por cambio brusco del clima).
-Introducción d'especies esóticas, que compiten colas propias del sitiu.
-Sobreesplotación, por caza ya pesca.
N'Asturias, seique por aquel.lo del feitu diferencial, tamos aplicando las estinciones tamién a los medios de comunicación. Los que desaparecen son los que menos s'adapten, que diría Darwin, ya asina al que nun combaye col todopoderoso van escorrelo fasta estrapal.lalo.
Los exemplos más conocíos son los de Radio Sele ya, agora, Teleasturias.
Nun sei, pamidea que Radio Sele tien bien d'hábitat ente los asturianufalantes, ya Teleasturias tien más audiencia que la TPA. El cámbeu climáticu ya la pesca nun me parez que-ys afecte, demientras que las especies esóticas nun parecen ser invasoras.
El problema vei ser qu'eiquí entovía nun s'estinguieron especies qu'habían dexar pasu a las nuevas, si ho, n'Asturias, cumo paraísu natural que yia, inda viven mamuts ya dinosaurios. A ver si somos quien a escorrelos, ya facemos qu'esta nun sía una Zona Especial de Proteición pa la l.libertá d'espresión.
Licencia:Libre Licencia de documentación Libre (Inglés)
Cumo dicen dellos fatos la nuesa comarca Vaqueira, la contaminación (de cualisquier mou) ía progresu, ya ta bien, presta ya mola.
Camiento que lo que n'Asturias fai falta ía meter Koalas (ía una vieya aspiración mía) pa que vivan nos montes nuesos, ente los oucalitos. Nun te paez?
Pues si,cualisquier cousa qu'eche fumu yia progresu, menos la chimenea d'una casa, claro. Progresu sobre tou pa esos fatos que dices, que son los qu'arramplan colos cuartos.
Lo de los koalas nun lo digas mui alto, nun te vaya sentir dalgún espabiláu ya-y vea posibilidades turísticas al asuntu.
¡Pasái ya mirái, l'espectáculo más grande'l mundu, mamuts, dinosaurios ya koalas! La xente marchó va tiempo, pero eso qué mas da.
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
