Crítica al panorama social, con especial pricuru pa col mediu ambiente.
23/01/2007
Van unos años, un paisanu de la costa Oeste de los EEUU taba faciendo turismu por Asturias. Dio-y por visitar lo qu'anguanu se chama "Comarca vaqueira", ya taba faciendo una ruta en moto polas brañas de los conceyos de Tinéu ya Valdés, cuando, de sópitu, caéu na cuenta de que se perdiera. Nun sabía por ónde tenía que tirar. L'home, claro, escomenzóu a pensar no peor. Taba nunas tierras estrañas, ente unos pueblos bien probes, n'una de las rexiones más atrasadas d'Europa oucidental. La xente (pouca) qu'había falaba nun falaxe bien raru, non entendible nin pa él, que pensaba conocer l'español. Amás, paecía ser xente xabaz.
Despuós de varias horas, días, caleyando ensin sentíu, atoupáronlu unos homes que-y dieron ayuda. Taba salváu.
L'avetura fuora tala, qu'el paisanu discurrióu conmemorar esti día cola celebración d'un rally, que sería anual. Menuda aventura. Tierras de l.lonxe, habitadas por xente probe; too dispuesto pa qu'unos ricachones de los EEUU (ya d'Europa tamién) pasaran unos días d'aventura. Qu'el "stress" de Wall Street yia mui malu.
Col tiempu las cousas fueron virando, las empresas d'automóviles, petróleo, televisiones... pagaban muitos cuartos a los "aventureros", ya éstos tenían tecnoloxías (GPS) que quitaban méritu a la hazaña. Amás, había xente que nun lu veía bien: las muertes d'unos nenos, d'unas muyeres, ya, en menor midía de bien de ganáu tenían la culpa. El feitu de gastar un montón de perras pasando por un sitio tan probe, tampouco nun-y daba mui buona fama.
Ésto que parez una babayada bien siendo lo qu'estos días nos pusieron pola tele, contada cumo la gran aventura del Rally Dakar. Namás hai que cambiar Asturias pol África, ya la comarca vaqueira por dalgún de los países más probes d'África: Mauritania, Mali, Senegal... Por desgracia, lo de las muertes nun hai que cambialu: de 51 muertes na hestoria del rally, menos de 20 yaran pilotos. El restu, mecánicos, periodistas, nenos ya muyeres de los "poblaos" polos que pasen. N'España inda nun tien mutiu puxu'l movimientu contra'l Dakar (sí tien en Francia), pero paez que lu va garrando.
Anque, agora que lu pienso, n'Asturias yá tuvimos una experiencia asemeyada
Licencia:Libre Licencia de documentación Libre (Inglés)
Pues sí, la verdá que sí. Siempre me paeció un poco de fanfarrones yá soberbios pasease delantre de xente que nun sabe lo que ye un enchufe coles máquines millonaries que gasten.
Y el cambéu de diseñu quedóte mui guapu.
cumo me decía un amigu, el Dakar yia'l paradigma de lu que facemos con África: esplotámoslos, estrozámos-ys la su tierra, matamos xente... ya los "mass-mierda" véndennoslo cumo la gran aventura.
Gracias polo del cámbeu de diseñu, facía falta. La verdá que saqué un par d'ideas del tou blog, jejeje.
Garra toles idees que quieras del mio blog ;) si pueo ayudate en daqué, avísesme.
La verdá que tanto tú como La Esfoyaza, acertais abondo con cada cambiu de diseñu nel vuesu blog y nun vos cuesta dir a la par colos conteníos ;)
Lo de la carrera... un circu más de tantos.
coime, pues nun tengo más que dicir que muitas gracias XD
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
