Crítica al panorama social, con especial pricuru pa col mediu ambiente.
08/01/2007
Primer artículu del anu ya anímome a facer del.los cámbeos. Vou falar de más temas a parte de medio ambiente, anque siga teniendo un cuidáu especial pa con ési.
Ya en viendo cumo aprovechó el presi ZP las vacaciones, tóca-y a él sufrir las mis iras. Tou porque, de magar ganóu las eleiciones, una tres outra foron caindo embaxu todas las promesas feitas entós.
-Traxo las tropas d'Irak, sí, pero nun s'entiende esa decisión sinon yia por un compromisu antibelicista. A cambio aumentóu los continxentes n'Afganistán, Haiti ou Libano. Por si fuora poucu, el límite qu'Aznar (sí, el mesmu) punxera de 3000 soldaos españoles cumo máximu pa tener nel esterior, agora el ministru del Interior quier ponelu en 3600.
Yia'l gastu militar sigue medrando, l.lévase un 12% de los gastos del estáu.
-Paecía qu'iba traer nuevos aires republicanistas, incluso con discursos dedicaos al sou buelu (que despuós enterámonos foi un xeneral de los que vinieron a Asturias nel 34). Tou lo que quedóu d'aquel.lo yia una posible l.lei de (des)memoria hestórica, que nun gusta a naide, pero sobre tou nun gusta a los qu'habría que recompensar. Nin s'anulan los xuicios d'una dictadura, nin se prohíben los símbolos franquistas, nin tan siquier s'encamienta a los conceyos pa que los quiten.
-P'acabar bien, veo qu'el nuevu alcuerdu cola iglesia sigue na l.línea de los últimos, más cuartos pa una empresa privada, caltenida con fondos estatales. Cumo la UE dixo que yara il.legal que la iglesia católica nun pagara IVA, entós los cuartos qu'aforraban vamos tener que pagalos ente toos. Namás qu'un 34% vei medrar lo que-y pagamos a la iglesia, qu'eso sí que yia dineru bien invertíu, ya lo del asturianu un gastu tontu.
Esto yia, nin antibelicismu, nin republicanismu, nin laicismu. Que dalguien me saque del miou error, pero pa mi que la "socialdemocracia" tien lo xusto de democracia ya bien poucu de social. Nun yia más qu'el mesmu capitalismu l.liberal con media capina de pintura, que vei caindo col pasu del tiempu.
Por cierto, que nin tan siquier puede dicise que meyoremos económicamente. Paez ser qu'el salariu mediu real ta al mesmu nivel de van diez años, eso sí, con mayor desigualdá.
Licencia:Libre Licencia de documentación Libre (Inglés)
Pues tienes tola razón. Yo creo qu'al PSOE a nivel estatal-y pasa lo mesmo qu'al PSOE a nivel asturianu. Les sigles son franquicies de poder, ye dicir, nun son socialistes, sinón que se faen llamar asina porque saben qu'atrae a la xente. En fin, por desgracies, eses contradiciones socialistes de ZP nun nos pillen de nueves n'Asturies.
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
