Crítica al panorama social, con especial pricuru pa col mediu ambiente.
13/07/2006
Los indicadores de "bonanza económica" siguen medrando en tol mundu: nel 2005, fízose más aluminio ya acero qu'enxamás enantes; la produción de vehículos algamó un récord de 45,6 millones d'unidades; el númberu d'internautas perpasó los¡¡¡1000 millones!!!, ya las ventas de teléfonos móviles algamaron los ¡¡¡816 millones!!!. Son los datos que atropó l'Instituto Worldwatch nel su informe «Signos vitales 2006-2007», qu'espeyan la tendencia d'unos niveles ensin precedentes de consumo, que tan acelerando'l declive ecolóxico d'un mundu domináu polos combustibles fósiles.
Embaxu l'epígrafe «Las tendencias que están configurando nuestro futuro», l'informe del Worldwatch, que ficieron público ayeri (miércoles 12 de xulín), resalta la concentración de dióxido de carbono (CO2) na atmósfera, qu'en 2005 foi un 0,6% superior al año 2004, lo que ye la mayor medra anual xamás rexistrada. Unos niveles qu'ensin duda influyeron en que la temperatura media sobre la Tierra fora de 14,6 grados centígrados, faciendo de 2005 l'anu más calido de toda la hestoria rexistrada.
Pa los más escepticos, dicir que las primeras consecuencias económicas ya l.legan a España: cumplir con Kyoto vei costar, según el "Plan de asignación de emisiones 2008-2012", entre 2.200 y 3.000 millones d'euros.
Licencia:Libre Licencia de documentación Libre (Inglés)
Norabona pol blog y bienveníu al mundu los blogs. Oxalá munchos deprendieren del to enfotu y esmolición pa cola naturalez d'Asturies. A siguir diciendo les coses clares.
Bono d'entamu date la norabona por animate a esto de los blogs, yo tamién va poco qu'entamé.
Menos mal qu'hai xente que s'esmolez pola natura d'Asturies y n'especial pol occidente que tantes barbaridaes se tan faciendo (yo tamién soi occidental anque fale en normativu jeje).
Lo del consumu ye la ostia. Eduquennos dende guahes con esos mensaxes de "merca estes zapatilles o na to clase van riise de ti", "merca un móvil, ¿vas ser l'únicu que nun lu tenga?" o "empufate palos prósimos 10 años por mercar esti coche de nun se cuantos millones o sinon nun vas follar en to vida". Putu consumismu...
Un abrazu, vas direutu palos links del mio blog.
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
