Crítica al panorama social, con especial pricuru pa col mediu ambiente.
12/08/2006
Yá tamos n'agostu, mes nel que tamos avezándonos a oyir pola tele que ye'l mes del fuéu. Na rialidá, n'Asturies suelen producise más nos meses de Marzo-Abril (ver semeya d'enriba, del incendiu que nos arrampló unas 2000 ha de monte nel Conceyu Valdés en Mayu). Pero paezme necesariu falar agora d'incendios pola polémica entamada en Galicia , ¿cuáles son las causas de los incendios?. ¿Dellos agricultores que faen quemas non controladas? ¿Bomberos ya retenes que quieren que-ys paguen horas extra? ¿Domingueros que nun saben facer una fouguera?. Ye perfácil señalar col deu a una persona, pero lo cierto ye que'l númberu d'incendios vien medrando desbocadamente dende van 40 años, una dómina carauterizada, ente outras cousas, pol entamu de la migración del campu a la ciudá. Anguanu los nuesos pueblos tan desolaos, semi-abandonaos; los trabayos qu'enantes se facíen nel monte güei nun se faen (recoyer piñas, leña, ganzo, toxos...). Too ésto fai que s'acumule combustible nos montes ya sía más fácil la espansión d'un fuéu. Conque l'acumulación de xente en torno a poucos núcleos ya'l despreciu pa cola vida más apegada a la tierra, nos nuesos pueblos, puede considerase quizás como la causa principal de lo que ye'l mayor problema ambiental nas zonas rurales d'Asturias (nas ciudaes ta la contaminación del aire, el ruiu...). A esto hai qu'amesta-y la mala política forestal, onde se favorecen masas homoxéneas de cultivos arbóreos (pinos, ocalitos) frente a esplotaciones sostenibles de bosques autóctonos, sindo las primeras más fácilmente atacadas pol fuéu. Eiquí tien muitu que dicir la "papelera de Navia", ENCE-CEASA, de la que yá falaremos outru día. Por agora, col.lacios, namás dende este requeixín del mundu. Siguiremos en contautu, y recordái que las cousas hai que las analizar dende los pegol.los, non dende´l teyáu. Salú ya Puxa
13/07/2006
Los indicadores de "bonanza económica" siguen medrando en tol mundu: nel 2005, fízose más aluminio ya acero qu'enxamás enantes; la produción de vehículos algamó un récord de 45,6 millones d'unidades; el númberu d'internautas perpasó los¡¡¡1000 millones!!!, ya las ventas de teléfonos móviles algamaron los ¡¡¡816 millones!!!. Son los datos que atropó l'Instituto Worldwatch nel su informe «Signos vitales 2006-2007», qu'espeyan la tendencia d'unos niveles ensin precedentes de consumo, que tan acelerando'l declive ecolóxico d'un mundu domináu polos combustibles fósiles.
Embaxu l'epígrafe «Las tendencias que están configurando nuestro futuro», l'informe del Worldwatch, que ficieron público ayeri (miércoles 12 de xulín), resalta la concentración de dióxido de carbono (CO2) na atmósfera, qu'en 2005 foi un 0,6% superior al año 2004, lo que ye la mayor medra anual xamás rexistrada. Unos niveles qu'ensin duda influyeron en que la temperatura media sobre la Tierra fora de 14,6 grados centígrados, faciendo de 2005 l'anu más calido de toda la hestoria rexistrada.
Pa los más escepticos, dicir que las primeras consecuencias económicas ya l.legan a España: cumplir con Kyoto vei costar, según el "Plan de asignación de emisiones 2008-2012", entre 2.200 y 3.000 millones d'euros.
13/07/2006
Éste ye'l mi primer día na comunidá bloggera. Dende equí intentaré falar sobre temas relacionaos pa col mediu ambiente, d'Asturias (especialmente l'occidente) ya del restu'l mundu, porque nun se pué entender de l.lendes pa defender la natura. Anguañu, ésto ye imposible ensin criticar a los nuesos políticos, a la nuesa sociedá, a la nuesa pasividá...
L'últimu cantar "ecolóxicu" Pisos Alquiler Ojala hubiera mas gente luchando por la ecologia [...]
Pechao Pisos Alquiler Seguro que todo ira bien, no me cabe [...]
Cantares ecolóxicos V Web Messenger Realmente precioso :)
Parques eólicos marinos Web Messenger Que daño hacen al paisaje de la meseta [...]
Una hestoria que se repite. Gerri Chillz Buddy :)
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
