Crítica al panorama social, con especial pricuru pa col mediu ambiente.
25/04/2007
Veo "El Pais" ya entérome de que n'un periodo de tiempu curtiu vamos tener una l.lei que desbloquee la construcción de parque eólicos no mar. A lo que paez, éstos van colocase nos primeiros 5 km de costa, ou menos, qu'eiquí la plataforma continental yia pequena, yia las torres éstas hai qu'enganchalas a dalgún sitiu.
Sabemos qu'estos gobiernos, capitalistas el.los, nunca van admitir que lo qu'anguanu yia insostenible yia'l nivel de consumu enerxéticu, por eso que nos vei tocar l.luitar con estos xigantes, ensin que por el.lo vayan quitanos las térmicas, claro.
Diz la noticia que sí, que son mui buonos, que no mar da muito más l'aire; nun afecta nin a la pesca, nin a la navegación, nin al paisaxe ya amás van facelo bien ya van buscar los sitios más afayaízos. Ya qué cuoño, que pa cumplir cola UE (en 2020 el 20% de la enerxía había ser renovable) hai que facelos. Da igual qu'haya que da-ys una buona subvención (socializar los gastos, privatizar los beneficios).
Conque you veo la mi costa, veo las Reservas Naturales de las rías del Eo ya Villaviciosa ou la de Barayo, veo los Paisaxes Protexíos de la Costa Oucidental, del Cabu Peñes ya de la Costa Oriental, los Monumentos de las Playas de Penarronda, Frexulfe, L'Espartal, La Vega, Gulpiyuri ou Cobijeru, La Turbera de Las Dueñas, La Isla de La Deva, la Charca de Zeluán, los Yacimientos d'icnites, los Bufones del Oriente... Muitos d'el.los a considerar na Rede Natura 2000 cumo LIC´s ya ZEPA's ya pol outro l.láu veo a Tini ya demás puxarra, la súa política en favor del despilfarru enerxéticu ya l'esfarrape la nuesa tierra, ya póngome a temblar.
Ya digo you, ¿nun podían poner los molinos en Mierdina d'Or? Ahí que yá nun vas facer más impactu paisaxísticu del qu'hai, qu'hai terrazas abondas onde ponelos, ya amás díces-y a los turistas que son ventiladores, pal calor ya eso. Bien tábamos mandándolos p'al.lí, que sinon sé you cumo van quedar los nuesos Paisaxes "Protexíos".
22/04/2007
Aprovecho que visitan esti vienres 27 Asturias (conciertu que nun se puede dexar pasar)pa retomar el tema de los cantares. Yá puse outro tema de "La Familia Iskariote".
Consumo cuidado (La Familia Iskariote)
Con sumo cuidado,
cuidado con lo que consumo
Con sumo cuidado,
cuidado con lo que consumes
Este planeta ¡ya está cansado!,
Pues no hay un lugar que no esté contaminado.
Este planeta ¡ya está aburrido!,
De tanta basura por el consumismo
Hasta donde vamos a llegar,
Qué nos tendrá que pasar,
Para darnos cuenta de que esto ha de cambiar a mejor
Y no tenga que seguir así.
Con sumo cuidado, cuidado con lo que consumo
Con sumo cuidado, cuidado con lo que consumes
Este planeta ¡ya está cansado!,
Pues no hay un lugar que no esté contaminado
Este planeta ¡ya está aburrido!,
De tanta basura por el consumismo
Es nuestra responsabilidad, R de reducir
Es nuestra responsabilidad, R de rentabilizar
Es nuestra responsabilidad, R de reciclar
Con sumo cuidado, cuidado con lo que consumo
Con sumo cuidado, ándate al hilo de lo que consumes
Con sumo cuidado, cuidado cómo consumes
Con sumo cuidado, mira a ver para quién consumes.
S.O.S. pachamama llamando, atenta al mensaje la gene esta escuchando
S.O.S. pachamama avisando, planeta tierra S.O.S agonizando
(SONIDO REBELDE, 2005)
16/04/2007
Por pura imposibilidá física, nun podemos nin medrar nin tampouco decrecer indefinidamente, poro, lo más lóxicu yia pensar que despuós de 150 años d'una medra grande na población ya nos consumos de recursos naturales (arreyáu al problema de la contaminación) ya despuós d'acabar colos combustibles fósiles, vei cheganos una época d'axuste.
L'oxetivu yia qu'esi axuste sía lo menos traumáticu posible, ya sobre too, que ponga los pegol.los necesarios pa que nun vuelva a pasanos lo mesmo: que vayamos sobrepasar la capacidá del planeta pa alimentanos ya ofrecenos aire ya augua l.limpia pa la nuesa vida ya la de los demás seres vivos que tan acompangándonos.
El “decrecimientu sostenible” yia una manera de xestionar la transición a un mundu de baxa enerxía, pero nun quier dicir que nun haya crecimientu. En dalgún situ habrán siguir medrando, anque con outro xeitu porque inda quedan muitas desigualdades pa iguar. Lo que ta claro yia que no primer mundu gastamos muito más de lo que nos toca. Habíamos tener en cuenta amás que n'una recesión económica causada por una crisis enerxética, ¡yá se da un decrecimientu!
Lo que postula'l decrecimientu yia entamar el camín pa un sistema muito más estable no sou consumu material, ya pa el.lo yia necesario, enantias, que mengüen sustancialmente las nuesas necesidades materiales. Nun sabemos si yia una solución viable, pero pareznos muito más racional ya humana qu'una fuxida p'alantre de resultaos inciertos.
Éste yia un problema global, mui enguedeyáu, pero que se soluciona polo local: cada zona, según la su situación xeográfica, recursos, clima, tien unas necesidades ya unos recursos enerxéticos diferentes. A lo meyor no vamos poder comer zreizas pol Avientu (nel hemisferiu norte), ya embede'l coche priváu vamos tener qu'ir en tren, pero eso son sacrificios bien pequenos comparaos col peligru d'un colapso enerxéticu que nos garre despreveníos.
Parte d'una entrevista feita pola xente de "Alasbarricadas" a la xente de "Crisisenergetica". Entrevista completa (en castel.lanu) eiquí.
03/04/2007
Yá faléi eiquí hai un tiempu de la "trampa" de los "bio"combustibles. Güei atoupéi un artículu bien interesante na revista Ambientum, nel que se fai una chamada a un uso racional d'esta fonte d'enerxía, que nun ponga en peligru al pequeñu agricultor nin a las grandes selvas.
Yia curtiu pero recomiéndase cha-y una güeyada.
03/04/2007
Sí, eso foi lo que recibí de la xente de Trayasgaya, xunto al "Fotolog de Raul" ya'l blog "Ai, un galan d'esta villa". He reconocelo, quedéime un pouco a cuadros, porque nun sabía lo que yara eso del "MEME". Paez ser lo mesmo qu'un xen, pero aplicáu a la herencia cultural. Ésti ta dedicáu, especialmente, a los blogs n'asturianu.
Lo que me fizo quedar pasmáu foi'l pensar que daquién considera'l miou blog cumo "cultura". Bromas (malas) a parte, agradézco-y a "Trayasgaya" que me pasara esti xuegu, que puede valir pa xunir un pouco a la comunidá asturbloggera.
Vou completalo:
Una tipografía: Incognito
Una páxina web imprescindible: uiquipedia, más bien tol universu "wiki" en xeneral.
Un blog n'outra l.lingua distinta del asturianu: en cuenta d'esto, vou poner un par de "redes" bloggeras, los "BlackBlogs" ya los blogs sobre ciencia de "Madri+d".
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
