Crítica al panorama social, con especial pricuru pa col mediu ambiente.
30/11/2006
En verdá que n'Asturias tenemos abondas cousas polas qu'esmolecenos anantes que pol nome que-y ponga una empresa privada a la su mayor atracción. Pero lo del Acuariu de Xixón yia sangrín.
Lo d'esti centru foi entamar entamándola: situáu a un pasu de los astilleros, col fin d'especular colos terrenos, fexo qu'el primer día tuviéralo movidín.
Despuós de visitalo, quedáronme tres cousas bien claras: que taba montáu con muitas priesas (falta de personal, carteles ya especies fuora del sou sitiu, 8 pingüinos metíos en 10 metros cuadraos con nenos glayando ya dando güelpes...); qu'embede aproveitar el sitiu pa facer ciencia, dedicáronlo n'esclusiva pal turismu de familia, siendo los nenos los únicos que pueden chegar a disfrutar de la visita; ya que nun pensaban usar l'asturianu más qu'en dous ou tres cartelinos (andarica ya pouco más). Buono, ya que 10 euros abúltanme un robu. Pa mi idea que la gocha tuvo que ver en del.las cousas de las dichas.
Pero, a lo qu'iba, lo del nome del tiburón-toro yia pa mexar ya nun char gota. Paez ser qu'ocurrióse-ys facer una encuesta pa poné-y nome, camiento que cola intención d'atraer a la xente, d'averase a la "plebe". Ésta iba acabáse el 15 de diciembre. Pero a daquién dio-y por buscar un nome asturianu, "Espumeru", qu'ente outras cousas yia un ser mitolóxicu. El nome prestóu yia púnxose no cimeru de las votaciones. A lo qu'el Acuariu respondéu cortándolas ya poniéndo-y el nome que seique iba terceru: Elisa (maxino que dalgún "pez gordu" tenga una fía col nome d'elisa), qu'aparte de ser un nome bien feo pa un tiburón (más que sía hembra), nun yia lo que la xente votóu. Una tomadura de pelo.
Ya digo you, ¿sabiendo lo que representan p'Asturias -especulación, intento d'acabar col sindicalismu combativu...- nun habían tener más cuidáu con estos detalles?
Nun séi si tien igua ou non, pero polo menos convídovos a que, en cuenta de visitar l'acuariu, guardéis los cuartos pa un pouco sidra. Seguru que vais pasalu meyor.
27/11/2006
Despuós de la oficialidá, despuós de glayar contra las políticas represivas, tócanos agora mover el culo pol patrimoniu natural: non más especulación, non más banzáu de Caliao, non más praos de golf, non más l.líneas d'alta tensión. Sí a políticas de desarrollu sostenible, sí a saber conxugar medio natural col progresu.
Sábadu a las 13:00, na Estación de RENFE d'Uviéu. Entama ACA.
(ver www.asturiasverde.com)
noticia en glayiu
noticia n'asturies.com
27/11/2006
Paez que, pasu ente pasu, l'osu vuelve a los montes d'Asturias. Ya eso dígolu porque ayer mesmu sentí pola radio unas cifras bien buonas: na población oriental hai tres osas con crías, na occidental doce (anque entovía pueden ser más). La meyor cifra de los últimos años, que puede dexar las poblaciones nunos 120 la occidental ya unos 25 la oriental, ou inda más.
Amás, güei mesmo espubliza La Nueva España que yá hai dúas osas nos val.les de Trubia, lo que quier decir que tan arimándose a la población oriental (sabiendo amás que son los machos los que pueden percuerrer más distancias).
Pero non too van ser buonas noticias. Guillermo Palomero, Presidente de la Fundación Oso Pardo, cuntaba del.los años p'atrás qu'el osu, pa tar fuora de peligru xenéticu (consanguinidá), había tener una población d'unos 500 individuos. Cifra qu'abúltame difícil d'algamar na nuesa Cordillera, ya qu'iba xenerar demasiaos conflictos pa col home (ya la muyer).
En fin, buonas noticias, pero ¿hasta cuándo?.
21/11/2006
Pues sí, esa semeya d'enriba, anque mala, yia del puntu l.limpiu de L.luarca. Non, nun yia un eufemismu, lo qu'un día foi puntu l.limpiu yia anguanu un vertederu ilegal. Según COGERSA l'ampliación ta en proyeuto , eso quier decir que sigue furrulando.
Decían unos anus p'atrás qu'el nivel de vida d'un país puede conocese pola cantidá de basura que xenera. Debe ser qu'el Oucidente d'Asturias, cola vil.la de L.luarca a la cabeza, ta tan deprimíu que tien qu'esparcer la de sou, pa que los turistas vean lo evolucionaos que somos. Por se nun fuora abondo col vertederu, esti branu discurrieron los nuesos cabezaleros políticos una bien buona: a imaxen d'Uviéu, ocurrióuse-ys quitar los contenedores de la cai. Claro que a éstos nun-ys da pa muitu'l cerebru, conque decidieron que nun se ponían cubos pa la nueite, asina la xente tien que tirar la basura, en bolsas, nel medio las aceras, haya calor, chueva o anque la plaga de gaviotas vea cumo-ys apurren comida na cai. Con el.lo los turistas, al atapecer, pueden ver cumo xorrez basura polas cais del pueblu, ya a nos quítasenos el miéu de que vayan pensar que nun somos del "primer mundu". La peor parte, eso sí, l.leváronla los trabayadores de COGERSA, qu'agora tienen de recoyer la basura bolsa a bolsa.
Too sía pol bien del país, pola comodidá del turista, ya pola miedra de la propia autoestima.
13/11/2006
L'osu ya´l l.lobu. Melandru, roballiza ya sapaguera. Artos, andaricas, humeiros ya salgueiras. Escayos ou l.lóndrigas. Una xaronquina. Las fayas. El carbayón. Cuervu marín, venáu ya xardón. Ablanos, raposas, truitas, xulias, xabalíes, fuinas, esperteyos, rezcayeiros, l.lámparas, tolinas, mures, ñoclas... La naturaleza tamién entiende de l.linguas.
Alcordáivos que dempuós de la manifa hai un pouco de musiquina, peime que de "Santi Caleya", "Rubiera" ya "Los gatos del Fornu". Ya dempuós espicha na cai Gascona.
13/11/2006
Güei tóca seguir col tema de los cantares con l.letras que faen referencia a temas de medio ambiente.
Vou pa L.ión, onde ñaz el grupu "La alegría de la güerta", que mezcla rock con ska, reggeae, rumba... ya usa instrumentos cumo'l djembé, la darbukka ou la gaita (peime que gallega) en del.los cantares. Las l.letras son mui vindicativas, toas en castel.lanu. Ya cumo güei cúmplense 4 años del día nel qu'afondóu'l Prestige, el tema a tocar nun podía ser outro.
Marea Negra (La alegría de la güerta)
Mira esta muerte negra
que nos pudre la mar
Mira esta muerte negra
que parte el alma
Mira esta muerte negra
que dicen que no está
Mira esta muerte negra
que se lleva la mar
Las aves hoy no vuelan,
esta mañana las encontró la marea negra,
que llega que mata,
marea negra
que llega que mata,…
Mira esta muerte negra
que mira desde arriba
Mira esta muerte negra
de arrogantes mentiras
Mira esta muerte negra
que tan pronto olvida
Mira esta muerte negra
que desde arriba mira
Los peces ahora llegan
envenenados, los encontró la marea negra,
que llega que mata,
marea negra
que llega que mata,…
Por un puñado de nada vamos rompiendo el planeta
Por un puñado de nada hemos vendido a la Tierra
Por un puñado de nada qué verán los que ahora llegan
Por un puñado de nada vamos hiriendo a la tierra
Y ya no puede latir,
y ya no puede latir,
y ya puede latir,
y ya no puede latir…
Pachamama dónde estás
Pachamama dónde vas
Pachamama dónde estás
Marea que llega, que mata!
Y aquel que por dinero calla elige
pan para hoy y hambre pa´mañana
Y aquella que por dinero calla elige
pan para hoy y hambre pa´mañana
que llega que mata, que llega que mata,…
marea negra, que llega que mata...
(VÁMONOS, añu 2002)
06/11/2006
Nun podía ser d'outra manera, cuando a ENCE (empresa productora de pasta de celulosa) van pesl.lái la fábrica que tien en Pontevedra por problemas ambientales (hai cuatro años tuvo que pagar más de 600000€), cuando nun-y dexan abrir la que tenía pensáu entamar en Fray Bentos (Uruguay), ¿qué faen? Yia perfácil, facer medrar la que tienen en Navia, que n'Asturias paez que dexamos que nos faigan lo que quieran. Namái qu'un 66%, van pasar de producir 300000t/año a 500000t/año en sólo tres años, convertíndola na más grande de la UE. ¿Ya qué dicen en Navia?. Pues que de puta madre, que vien Marshall colas perras (ya'l azufre, el golor...). La empresa promete yá 1000 puestos de trabayu, eso sí, indirectos (roncai los coyones), ya de los que se crearán directos, muitos, probablemente, tengan que dalos a empleaos despedíos n'outras plantas. Amás, la empresa ta escomenzando a aplicar un plan d'aforro, con recorte de gastos (esto yia, despidos), colo que peime qu'el ouro prometío nun va ser talo.
¿Ya los efeutos ambientales? Emisiones de gases cumo'l CO2, SO2 o metil-mercaptanos, efluentes a la ría de Navia, sema d'ocalitos de manera masiva... paecen nun importa-y más qu'a del.los ecoloxistas
o a políticos oportunistas (IU de Navia esixe-ys "trasparencia ambiental").
Seguiremos atentos pa ver qué pasa col tema éste, pero a mí, nun se por qu'e, güelme mal.
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
