Asturies

Cumpliendo

27/12/2007

Güei cumple años esti requexu p'amontonar pallabres. A pocos díes d'un añu menos de que nos coma la mierda que tiramos pel mundu, sigo con esti enfotu na llingua.

N'entamando l'añu, pondre-y lema a esti espaciu, llendando la temática sobre ún de los pocos temes que me ronden pela tiesta. Mientres que decido y non, les lluces de la ciudá acueyen la vergüenza y el servilismu. Un home diz verdaes en prensa que terminarán como'l papel de regalu, escaecíes pela basura de dalgún contenedor.

Y depués la rutina, l'aborregamientu dende'l capital. Y esti llugarín cumpliendo años.

Licencia:Libre Licencia de documentación Libre (Inglés)

Comentarios

1. Felicidaes.
   Acabo dame cuenta que pues poner una empresa de diseñu de plantielles de blogs, por que nestos dos años, ente tú y los gyg tuvisteis más plantielles que tolos demás xuntos!!!
   Un saludu y fuercia nesti nuevu entamu.

   
   TrayasgayA | 28-12-2007 - 01:12:28 #

2. Creo que foi Benito Pérez Galdós quien dixo qu'espublizaba obres pa nun tener que correxiles más. Eso ye lo que me pasa (salvando les distancies), que soi un poco inconformista y poques vegaes me paez que ta bien fecho del too lo que faigo, poro acabo siempre remocicando y remocicando. Sicasí, espero nun camudala más y quedame yá con esti diseñu como marca de la casa.

   Polo demás, gracies Trayasgaya ;)

   
   Ricardo | 28-12-2007 - 01:49:16 #

3. ¡Felicidaes y norabona, Ricardo!. Siempre presta asomase per esta esfoyaza y sentir los tos axeitaos cantarinos "a la oreya". Que seya por munchos más. Un saludu y munchu ánimu.

   
   Xosepin | 28-12-2007 - 10:38:33 #

4. Gracies Xosepin pol to mensaxe. Digo lo mesmo del to blog. Ánimo pa toos y toes, que lu vamos necesitar!

   
   Ricardo | 28-12-2007 - 14:22:57 #

5. Naguo por saber cuala sedrá la nueva temática de la esfoyaza. Un saludu y norabona pol cumpleaños.

   
   Vity | 28-12-2007 - 18:11:58 #

6. Gracies Vity, anque me temo que va ser un tema de gustu minoritariu. Saludos y a siguir cola fueya ;)

   
   Ricardo | 28-12-2007 - 18:30:43 #

7. Norabona, yes un veteranu. Nun sé porqué me paez que esta nun va ser la última plantilla...

   
   la_xana | 30-12-2007 - 19:04:35 #

8. Ja ajaja jaa ja jaaja

   Toi dafechu dalcuerdu cola xana ;-)
   paez que te conoz perbién...

   
   Chamicu | 01-01-2008 - 19:44:21 #

9. Ai, qué poca fe tienen les xanes nel ser humano... Saludos Chamicu

   
   Ricardo | 01-01-2008 - 21:13:16 #

10. De xuru que cualesquier que seya´l tema sobre´l que xire´l "nuevu" blogue prestaranos (y que seya por munchos años). Un saludu y desvélanos ceo´l misteriu.

    
    trasgu | 05-01-2008 - 04:11:12 #

11. Gracies trasgu pol to comentariu, nun sé si vos prestará, porque lo de los gustos ye daqué mui personal. Sicasí, gracies por tar tan pendiente. Ente güei y mañana, diré'l tema. Saludos ;)

    
    Ricardo | 05-01-2008 - 16:08:12 #

Escribir Comentarios

Nome:

Corréu Electrónicu:

http://:

Comentariu:

Etiquetas html permitidas: <a href> <em> <blockquote> <strong> <cite> <code> <ul> <li> <dl> <dt> <dd>

Recordar datos:

Iniciu | Archivu | Categoríes

---

L'únicu irresponsable d'esti blog de conteníu reflexivu al empar que surrealista ye Ricardo Candás, cosa que, per otra parte, camiento qu'importa bien poco.

---

Wiki de la Xunta de Blogs en llingua asturiana

Canal Blogs sigue equí l'actualidá de la blogsfera n'asturianu

Esbilla portal d'enllaces a noticies unviaes polos internautes

---

Categoríes

- Entraes surrealistes

- Entraes vieyes

Busca

Pallabra o fras

Posts Comentarios

Sindicar

Post (RSS2)

Amestar feed a:

Bloglines Feedness Google Reader Mi Yahoo Mi Msn Rojo Pluck Newsgator SearchFox Bloxor