Llugar bien amañosu pa la reflexón surrealista
11/04/2007
Equí van dos anuncies que me paecen importantes y qu'amesten o converxen nesos dos elementos que dan titulu a esti post.
Per un llau, na Escuela de Seronda van tener el so espaciu los blogs fechos n'asturianu y les reflexones al rodiu d'ellos. Yo nun creo que puea pasar y agradézo-yos a los compañeros que m'avisaron d'ello. Sicasí, quiciás haya dalguién al que-y preste y nun s'enterara entovía.
Per otru llau, ta acabantes d'espublizase Nireblog dafechu n'asturianu. Ye un mou percenciellu de crear el to blog dafechu n'asturianu (anque pues facelo en munches otres llingües). La idea xurdió de David González, creador tamién d'esti espaciu Gugara onde ta allugáu esti blog míu. Lo bono de Nireblog ye que ta too n'asturianu, incluyíes les opciones internes p'alministrar el blog, polo que non solo ye prestoso pal que lu llee, sinón tamién pal que lu alministra.
Licencia:Libre Licencia de documentación Libre (Inglés)
Hola, collaciu:
Pamidea, esta cosa de los Blogs ta moviéndose enforma, y lo qu´emprimó un poco como hobby presonal pue ser una erbía importante pa una llingua tan arrequexeda como la de nueso. La verdá ye que´l míu carlosxblanco.blogia.com emprimó más bien en castellán, anque con vocación de dir siendo más asturianu, y ensin pretensiones, namá que dir atropando articulinos que s´asoleyaben perendayuri pero qu´haiga batures p´aldericar sobre esti fenómenu ta perbién. Un saludu a tí y a tolos "blogistes" (????) asturfalantes y asturescribientes !
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
