Llugar bien amañosu pa la reflexón surrealista
27/03/2007
... y asina como llegó la nueche, tapeciendo los requexos, nubláronse los sos güeyos y les alcordances vives como rellumos nun abismu entamaron a escurecer y aguase, esboligando pa formar un regatu de suaños rotos, un rabión de ayeris, una sida pa nun volver a mirar p'atrás.
Cuando toos aportaron al llugar, namás unes marques nel asfaltu-yos falaben del escuru destín qu'hubo d'atopar, borrachu perdíu, escontra los fierros d'un quitamieos.
Licencia:Libre Licencia de documentación Libre (Inglés)
Dende’l Conseyu de la Mocedá va a facese, enmarcáu na Escuela de Seronda, un Foru dedicáu exclusivamente a la Bloguoesfera Asturiana.
L’oxetivu ye crear un espaciu de debate d’esti soporte mediáticu onde poder analizar la importancia del blog como ferramienta de comunicación n’Asturies y un llugar pal xorrecimientu de la llingua asturiana, el so presente y futuru na rede. El foru vendrá complementáu con unes xornaes de formación nes nueves tendencies y téuniques nos blogs.
Otru foru d’interés que se va facer na escuela ye de Comunidaes Virtuales. Alministración, xestión y usu d’elles n’Asturies.
Dende’l Conseyu de la Mocedá invitásevos a que vengáis a Xixón los díes 28,29 y 30 d’Abril a estes xornaes.
Tenéis tola información na páxina de Conseyu www.cmpa.es .
O podéis escribime pa cualesquier consulta a emigración@cmpa.es
Espero vevos.
Un saludu.
Gracies pola anuncia, esos díes toi pelín ocupáu por cuestiones llaborales, pero a ver si pueo acercame que tien bona pinta. Miraré na páxina que m'apurres la información a ver si se m'arregla pa dir.
Un saludu y gracies.
Canal Blogs sigue equí l'actualidá de la blogsfera n'asturianu
Esbilla portal d'enllaces a noticies unviaes polos internautes
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
