Llugar bien amañosu pa la reflexón surrealista
22/06/2009
Cuando les rates s'agospien na cocina, cualesquier almuerzu ye enforma dañible pa les persones. Les rates nun falen, sorprienden porque rebuznen. Faen usu de la nevera y apodrecen los güevos.
Si esto ye lo que faen les rates, nun digo nada de les raposes. Estes son zorramples, como fíos de mala madre. Vivimos na antifábula.
04/06/2009
Atopámonos con morgañones na vida de los que ye enforma difícil escaecese porque van semando abondes pallabres xostrones y ellí per onde pasen tresfórmase en zarramplero.
La manera de parar esti espollete castrón pal mio país ye mirar p'alantre, tolo demás ye repetir lo mesmo.
20/05/2009
Quien nun llora nun mama. Y de mamones va la cosa, cosadiella, ¿qué cosa, cosuca, cosuquina ye, que nin vien, nin va, nin a quedase quietu ye?
Siempre mos quedará L.lena, dixo Rick Blaine a Ilsa Lund naquella famosa película.
04/05/2009
Alón. Acabóse. Y namás queda aguantase y acallar el pruyimientu. ¿Quién va dar anuncia de la hipocresía más perronera y xabaz? Naide, porque perru nun come carne de perru.
¡Manca la maera, rediós!.
30/04/2009
Nun acoroxen los sinvergüences. Ye la propiedá de la sinvergonzonería, qu'hai momentos pintiparaos pal espoxigue de lo collorao peles mexelles pero nada, siguen colo suyo, refugando lo irrefugable, o criticando lo autocriticable. Pero oi, del calentón xubiendo pelos papos, nin enxencle amagu.
Dacuando apaez dalguién qu'intenta saca-yos les vergüences, pero hai sinvergonzonería enforma como pa, camiento, saber per onde escomenzar.
Vivimos na antifábula Ricardo Y naide nun dimite... increíble, xanu, increíble...
Vivimos na antifábula El xanu\'l caborniu Unos faen lo que quieren, como quieren y [...]
Mirar p'alantre Neville Un saludu y felicitate pol tu BLOG combativu; [...]
Mirar p'alantre Ricardo Lleendo ciertes comentarios, quítase-y a ún les ganes [...]
Mirar p'alantre El xanu\'l caborniu Dempués de la última gaxapada en plena cara [...]
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
