Llugar bien amañosu pa la reflexón surrealista
24/08/2010
Babayones ensin vergüenza falamexen sobre'l mio pais, igüen podredorios qu'esparden pa chiscanos coles sos mentirrises. La xente estranxero abluca de les ratoneres qu'atopen per ende.
Lo peor ye qu'equí tamos cegaratos. Va tiempu qu'esto ye inaguantable. Na Xunta'l Principáu fai falta un poco de respetu.
01/08/2010
Entamen los rosales a xorrecer al empar que los sos mentideros. Desfalen pa nada nun dicir, pa callar les sos miseries. Contratalanten, que ye otru mou de refugar lo que necesita Asturies.
Enfótense nos mentideros que salen peles sos bocones. Podre vacíu enllenu escayos.
Ai, quién tuviere una bona gadaña. Yo'l garabatu lu tengo preparáu yá pa tanta broza qu'hai qu'arrastrar.
19/07/2010
xuntandanza, la: sust. Aición y efeutu de xuntandar. 2. Dícese de les xuntances (n'especial de dellos partíos) lentes y abegoses. 3. Enfermedá (qu’infesta a munches persones nacionalistes al mesmu tiempu nun pueblu, nun país).
[Más aceiciones encamentaes a l'ALlA pa la so inclusión nel so próximu Diccionariu de la Llingua Asturiana pues atopales na categoría Diccioesfoyaza]
21/06/2010
Fartonando la conseyeraduza ta pel país, dientro la so sesera apoltrona'l bon xacíu. Plizcos d'Asturies debalen per ende. Aína será nenyures.
Falo, lleo, escribo. Dacuando callo. Too paez poco cuando la verdá priende nes coraes. Empruna ye la patria al borde d'un abismu.
27/05/2010
El silenciu ta fechu de vaciu. A costafecha pa fundise a lo callandino na solombriega zuna de lo que nada nun dice. Un furacu muertu baxo la nada, la ferralla mudo de l'ausencia onde añera la voz parao.
Atalantái, sicasí, que'l silenciu ye tamién un cavilgu. Y dacuando una respuesta, gociosa como la vida, pa quien sepa escuchar.
Un poco de respetu Pelayu Falta conciencia de pueblu pa pidir esi respetu, [...]
Un poco de respetu Ricardo Lo malo ye que normalizamos esti comportamientu tan [...]
Un poco de respetu El Xanu\'l Caborniu. Va pa quince díes sentí a ún nuna [...]
Estos lorquianos ¿qué sabrán? Viajes La verdad es que ciertas personas hacen cosas [...]
Entrugues que definen a ún Viajes La verdad es que a veces, para saber [...]
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
