POR UNA UNIVERSIDÁ DAVERES ASTURIANA
20/11/2008
L’asturianu va tar, gracies a la votación mayoritaria a favor, per primer vegada como materia dafechu oficial na Universidá d’Uviéu
UVIÉU, 20/11/2008
El Conceyu Universitariu pol Asturianu (CUPA), organización independiente asturianista y universitaria na que participen alumnos, personal d’alministración y servicios y vieyos alumnos y que cunta con representación nel Claustru de la Universidá d’Uviéu, quier espresar la so felicitación a la Xunta de Facultá de Filoloxía de la Universidá d’Uviéu pola aprobación de la propuesta del decanu de Filoloxía, José Antonio Martínez de crear un 'mínor' d'asturianu como solución atopada pa que la llingua tea nes enseñances reglaes.
L’aprobación d’esti plan ye, dende'l puntu de vista del CUPA un pasu hestóricu pal asturianu, qu’entra per primer vegada dientro de les enseñances reglaes y oficiales universitaries.
Amás, esti cambiu dexa abierta la posibilidá de que la propia demanda del enseñu d'asturianu na Universidá, convierta'l 'minor' nun 'maior' nun futuru.
Celebramos la decisión de los miembros de la Xunta de Facultá, que por 63 votos a favor, frente a namás 27 en contra, aprobó esti nuevu plan y felicitamos a los miembros d’esta Xunta pola so responsabilidá y consensu a la hora del votu.
Queda tovía’l preste de les instancies estatales, pero confiamos en que l’apoyu del Rector, Vicente Gotor, a esti plan y el consensu xeneráu alredor del mesmu na comunidá educativa y ciéntifica, va facilitar esti preste definitivu.
Ye’l momentu agora de trabayar pol afitamientu d’esti ‘minor’ d’asturianu y aquelles asignatures o cursos que puedan completar la formación del profesoráu d’asturianu na Universidá d’Uviéu.
Dirección del Conceyu Universitariu pol Asturianu
Licencia:Libre Licencia de documentación Libre (Inglés)
Llegó la hora (y vien que vagó) d'abrir nueves víes na reivindicación llingüística y nel asturianismu en xeneral. De xubilar a la vieya guardia que si nun provoca enfrentamientos nun ta a gustu. Otra manera de facer les coses de cara a la sociedá y buscando'l diálogu y la collaboración de los sectores más averaos a la nuestra llingua. L'asturianu ye patrimoniu de toos y non de la señora ex-decana y el so grupu d'afines.
Trabaya con nós pol asturianu, escríbenos a conceyuasturianu@gmail.com
Consulta equí'l programa de trabayu del CUPA.
El Conceyu Universitariu pol Asturianu (CUPA) ye una asociación abierta a los alumnos, personal docente y d'alministración y servicios de la Universidá d'Uviéu. Nun ta venceyada a nengún partíu políticu nin grupu de presión.
L’oxetivu del CUPA ye afalar, al traviés del diálogu y los alcuerdos, la realización de polítiques progresives de normalización llingüística y cultural que permitan dignificar y promover la presencia de la llingua asturiana y la cultura d’Asturies en tolos ámbitos de la vida diaria de la universidá asturiana.
El CUPA tien anguaño presencia en tolos campus y trabaya na realización de campañes de reivindicación y sensibilización y nel asesoramientu d’aquelles persones ya instituciones que mos requieren.
Dende mayu de 2008 tenemos representación nel Claustru de la Universidá d'Uviéu, l'órganu cimeru de representación de la comunidá universitaria.
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
