POR UNA UNIVERSIDÁ DAVERES ASTURIANA
16/11/2008
Xulio Viejo: «Pa empezar, ye razonable'l 'minor'»
14 de payares de 2008
imprimir Su navegador no admite Javascript. Para imprimir pulse Archivo > Imprentar
unviar
Según pudo saber esta redacción, el próximu xueves 20 de payares va celebrase la Xunta de la Facultá na que se va votar, por aciu de la enmienda del profesor Félix Fernández de Castro, si s'acepta o non un «minor» de llingua asturiana. L'equipu de gobiernu de la Facultá, dirixíu pol decanu José Antonio Martínez, vien trabayando dende hai delles selmanes nuna campaña de sensibilización pa llograr el «minor», lo que diba garantizar un encaxe razonable de los estudios de llingua asturiana na Facultá de Filoloxía. Esta opción, otra manera, ye «la «unica viable» al dicir del profesor Xulio Viejo, que va ser l'encargáu de defendela na Xunta del xueves, y que nos adelantra les sos opiniones nesta entrevista.
Defende usté que la opción del «minor» pa los estudios d'asturianu na Facultá de Filoloxía ye nesti momentu la única viable. ¿Por qué?
Por cuestiones puramente administratives, lo único que podemos votar na Xunta de Facultá de la próxima selmana ye «minor» sí o «minor» non. Ayeri [xueves 13 de payares] ciarróse'l plazu pa presentar enmiendes y nun se presentó nenguna en sentíu contrariu. Quiero dicir: nun se presentó nenguna pidiendo un incrementu de docencia. Polo tanto, ta dándose un debate social qu'en bona midida ye irreal. Discútese na cai si'l «minor» ye poco o muncho pero en realidá naide solicitó más.
¿Yera posible solicitar más?
Yera posible solicitar más. De la mesma manera que se presentaron enmiendes contraries, como la de Félix Fernández de Castro y otra que se refugó, yera posible presentar adicionales.
Nesti momentu ye, entós, la única opción viable. ¿Esperen que s'apruebe na Xunta de Facultá?
Como nun soi profeta, nun m'atrevo a dicilo. Yo yá esperaba que saliera la propuesta que presentara l'anterior decana, Ana Cano; depués del achaplón que llevamos daquella, la verdá ye que nun m'atrevo a xinglar nada. Racionalizándolo, supongo que sí. Trátase d'una propuesta más rebaxada y, polo tanto, supónse que suscita más consensu. Tradicionalmente los posicionamientos de la Facultá veníen siendo positivos. Seique se va aprobar, anque esto nun quita la incertidume. Bona parte de la incertudume vienme porque hai un ciertu públicu dientro de la facultá, que tradicionalmente yera neutru con estos temes, inclusive receptivu, que votaba a favor de les nuestres propuestes, y qu'agora da unos síntomes de cansanciu y de fastidiu. Ve l'asturianu como dalgo que básicamente trai problemes y divisiones. Esa ye la situación que provoca la mio incertidume. Polo tanto, ye esi'l grupu de xente a los que nos diriximos, a los qu'informamos. Son moderadamente optimista. Nun quiero ocultar les mios reserves.
La opción del «minor», ¿garantiza la solvencia de los estudios de llingua asturiana?
Evidentemente. El «minor» representa ocho asignatures de les nueves. Les asignatures nueves representen 1.200 hores lectives, lo que ye más del doble del títulu d'especialista actual. Tampoco ye una conversión exacta: bona parte de les hores son de llabor tuteláu... depende cómo xestione cada profesor la so docencia. En principiu representa una carga docente interesante a la hora de tresmitir unos conteníos básicos, qu'amás puen complementase con formaciones de tipu más xeneralista (Hispánica, Románica, los «maior» correspodientes, o de Teoría Llingüística); a partir d'ehí puen establecese tou tipu de comparances, les que se quiera. Con rellación a la propuesta inicial piérdense cuatro asignatures pel camín qu'evidentemente represenaben posibilidaes adicionales; pero si miramos la situación actual, tenemos tres asignatures namás (y disperses, que nun s'estudien en bloque). La meyora yo creo que ye oxetiva y que cabe facer un balance positivu, siempre cola perspectiva de medrar. De lo que nun se trata ye de dicir amén a too. Considero que ye una propuesta razonable.
Una y bones s'apruebe esi «minor», ¿qué posibilidaes hai de dir hacia otros planteamientos más ambiciosos?
A la llarga, too ye posible. Pa empezar, cuando s'aprueben unos planes y se ponen en funcionamientu, éstos tán suxetos a evaluación cada seis años. Según el sentíu d'eses evalaciones, siempre será posible recuperar el «maior» y demás. Tamién hai ora posibilidá d'ampliar docencia que nun depende estrictamente de la estructura de los graos: que la Universidá intruduza nel primer ciclu l'asturianu como llingua moderna. Eso implicaría dos asignatures más. ye dalgo que sigue una tramitación aparte y tien les sos propies dificultaes, pero ye posible. Tamién hai que tener en cuenta que les posibilidaes docentes del asturianu -de cualquier asignatura- nun s'agoten nos graos. Nada quita pa que s'habilite un postgráu pa estudios más especializaos. Por exemplu, nel postgráu pedagóxicu que va sustituir al CAP, podíen intruducise asignatures d'asturianu.
Licencia:Libre Licencia de documentación Libre (Inglés)
jajaja, no te lo crees ni tu. ¿Más del doble? ¡Si hasta el entrevistado dice que no es una conversión real! Como mucho, en el mejor de los casos son 48 créditos de los actuales, inferior a los que hace mi hermana en el curso de especialista, que le acabo de preguntar a ella.
...vaya listos que somos por aquí. Seguid pidiendo el votito para Gotor, que así nos luce...
De tolo que diz namás veo viable y razonable una cosina "pal maior yá habrá tiempu"; agora habéis d'asegurar lo poco que tenemos, pal maior yá habrá tiempu y yá se podrá pidir, qu'amás naide lu pidio (que sedrá por dalgo). Espero que'l Xueves salga sí al minor.
Asturies nagua por vivir n'Asturianu, los escolinos por estudialu y la Universidá por "clatener les sos señes d'identidá llingüística".
Sí, hai qu\'asegurar daqué... dende un puntu de vista corporativista, el minor asegura que dellos profesores tengan trabayu. ¿Asegura eso una meyor formación del profesoráu? ¿Que\'l títulu resultante del minor se reconoza a nivel européu tien dalguna repercusión na formación del alumnáu?
Esperpéntico: académicos prefiriendo que triunfe la enmienda de Fdez. de Castro contra la propuesta de "minor". Ataques na prensa al actual rector por miembros d'una de les candidatures derrotaes que nun gorgutaron ante'l despreciu a la llingua de los anteriores equipos rectorales. La llingua asturiana como carrobexu pa resolver enfrentamientos personales y de clan. Cuánta falta facía ventilar con aire fresco y dexar qu'entrare cazumbre nuevo na institución académica...
na istitución académica más que la cazumbre había entrar el h.achu
que se presenten a unes eleciones y que les ganen, hostia
Pues es una decision un tanto arriesgada, pero tal vez funcione .. no?
Trabaya con nós pol asturianu, escríbenos a conceyuasturianu@gmail.com
Consulta equí'l programa de trabayu del CUPA.
El Conceyu Universitariu pol Asturianu (CUPA) ye una asociación abierta a los alumnos, personal docente y d'alministración y servicios de la Universidá d'Uviéu. Nun ta venceyada a nengún partíu políticu nin grupu de presión.
L’oxetivu del CUPA ye afalar, al traviés del diálogu y los alcuerdos, la realización de polítiques progresives de normalización llingüística y cultural que permitan dignificar y promover la presencia de la llingua asturiana y la cultura d’Asturies en tolos ámbitos de la vida diaria de la universidá asturiana.
El CUPA tien anguaño presencia en tolos campus y trabaya na realización de campañes de reivindicación y sensibilización y nel asesoramientu d’aquelles persones ya instituciones que mos requieren.
Dende mayu de 2008 tenemos representación nel Claustru de la Universidá d'Uviéu, l'órganu cimeru de representación de la comunidá universitaria.
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
