POR UNA UNIVERSIDÁ DAVERES ASTURIANA
01/07/2008
UVIÉU, 1 de xunetu de 2008
Dende’l Conceyu Universitariu pol Asturianu (CUPA) queremos manifestar la nuestra inquietú énte’l reciente comunicáu del Decanu de la Facultá de Xeografía y Hestoria, nel que se solidariza col profesor Félix Fernández de Castro por mor de l’apaición de dalgunes pintaes nel Campus del Milan onde se señala a esti profesor como “antiasturianu” a causa de la propuesta acientifica, demagóxica y políticamente xacobina que presentó na última Xunta de la Facultá de Filoloxía.
Esti comunicáu del Decanatu inquiétanos pues a finales del mes de mayu na Facultá de Xeografía y Hestoria apaecieron cartelos* onde amás de facer burlla de la llingua asturiana se difamaba d’un mou xabaz a dos estudiantes d’esa Facultá que se presentaren como candidatos a representantes estudiantiles nel Claustru. Entós el Decanatu non solo nun fizo nengún tipu de comunicáu públicu sinón qu’amás los cartelos se caltuvieron per dellos díes. Polo tanto quixéramos pidir un pocu de coherencia a un Decanatu que se solidariza con un profesor d’otra Facultá pero qu’inora a los estudiantes de la so propia Facultá.
Licencia:Libre Licencia de documentación Libre (Inglés)
Supongo qu'esti cartafueyu ye'l cartelu que fai burlla de mio llingua. Ta mui trabayáu, siempre vien bien ver que la xentecaya qu'intenta trabayar escontra de la dignificación y normativización de la Llingua Asturiana nun son quien a facer más qu'esto. Creyo yo que cualaquier persona con dos deos de frente que vea esti cartafueyu quedará convencíu de la poca lóxica que tien refugar la oficialidá, la dignificación y la normativización de la llingua porpia d'Asturies. Anque toi d'alcuerdu coles 7 cimeres pallabres (por una misa tolos díes en bable) del cartelu: ¡la Llingua a tolos llaos!, que los drechos a falala tean en toles estayes y daquelles persones que quixeren dar o recibir misa n'asturianu puean.
YÁ TAMOS TRABAYANDO POL ASTURIANU DENDE'L CLAUSTRU.
GRACIES POL VUESU APOYU
Consulta equí'l programa del CUPA pa les Eleiciones al Claustru 2008.
El Conceyu Universitariu pol Asturianu (CUPA) ye una asociación abierta a los alumnos, personal docente y d'alministración y servicios de la Universidá d'Uviéu. Nun ta venceyada a nengún partíu políticu nin grupu de presión.
L’oxetivu del CUPA ye afalar, al traviés del diálogu y los alcuerdos, la realización de polítiques progresives de normalización llingüística y cultural que permitan dignificar y promover la presencia de la llingua asturiana y la cultura d’Asturies en tolos ámbitos de la vida diaria de la universidá asturiana.
El CUPA tien anguaño presencia en tolos campus y trabaya na realización de campañes de reivindicación y sensibilización y nel asesoramientu d’aquelles persones ya instituciones que mos requieren.
Dende mayu de 2008 tenemos representación nel Claustru de la Universidá d'Uviéu, l'órganu cimeru de representación de la comunidá universitaria.
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
