POR UNA UNIVERSIDÁ DAVERES ASTURIANA
27/06/2008
d'infoasturies.net
Vienres, 27 de Xunu de 2008 00:31
Les organizaciones con representación nel claustru de la Universida refuguen y conderguen la decisión de la Xunta de Facultá.
Fai! y CUPA asoleyaron el so posicionamientu ente la polémica decisión de la Xunta de Facultá de Filoloxía torgando la inclusión de la titulación en Llingua Asturiana nes nueves titulaciones nel Espaciu Europeu.
El Conceyu Universitariu pol Asturianu (CUPA) manifestaron la so "repulsa ya indignación énte la decisión de la Xunta de la Facultá de Filoloxía d'aprobar la enmienda del profesor Félix Fernández de Castro". Pal CUPA la popuesta decanal "suponía un cambiu radical no que cinca al estudiu de la llingua asturiana na Universidá d'Uviéu, asitiándola al mesmu nivel que llingües como l'inglés o'l francés". Pal coleutivu "primen unos prexuicios acientíficos e ideolóxicos de calter xacobín" y apunten que la esistencia d'una Universidá "nun se xustifica en sí mesma sinón en función d'un serviciu a los asturianos, pa lo que ye imprescindible que los estudios de Filoloxía recueyan l'estudiu de la llingua del nuesu país". Dende'l CUPA aplauden "la decicisón de Doña Ana María Cano, de nun ser cómpliz de l'absurda decisión de la Xunta de Facultá y presentar la so dimisión.
Pela so parte, la organización soberanista d'izquierdes Fai!espresó "la so conderga total a la marxinación que pal asturianu aprobó la Xunta de Facultá de Filoloxía de la Universidá d’Uviéu, al traviés de la enmienda presentada por Fernández de Castro na qu’únicamente taba recoyida la eliminación del asturianu del plan presentáu pol Decanatu". Fai! quixotmaién dar l’apoyu públicu "mesmo pola so defensa de la dignidá académica de la llingua asturiana, que pola so decisión de dimitir nel so cargu". La organizción d'estudiantes sbreaistes y d'ziqueirdes soliciten a Vicente Gotor qu'actúe "de forma decidida nel conflictu qu’ayeri quedó más abiertu que nunca na Facultá de Filoloxía, respondiendo polos derechos y les realidaes científiques perriba de los intereses personales de los docentes qu’enxamás escondieron les sos inquietúes antiasturianes".
Licencia:Libre Licencia de documentación Libre (Inglés)
Trabaya con nós pol asturianu, escríbenos a conceyuasturianu@gmail.com
Consulta equí'l programa de trabayu del CUPA.
El Conceyu Universitariu pol Asturianu (CUPA) ye una asociación abierta a los alumnos, personal docente y d'alministración y servicios de la Universidá d'Uviéu. Nun ta venceyada a nengún partíu políticu nin grupu de presión.
L’oxetivu del CUPA ye afalar, al traviés del diálogu y los alcuerdos, la realización de polítiques progresives de normalización llingüística y cultural que permitan dignificar y promover la presencia de la llingua asturiana y la cultura d’Asturies en tolos ámbitos de la vida diaria de la universidá asturiana.
El CUPA tien anguaño presencia en tolos campus y trabaya na realización de campañes de reivindicación y sensibilización y nel asesoramientu d’aquelles persones ya instituciones que mos requieren.
Dende mayu de 2008 tenemos representación nel Claustru de la Universidá d'Uviéu, l'órganu cimeru de representación de la comunidá universitaria.
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
