POR UNA UNIVERSIDÁ DAVERES ASTURIANA
25/06/2008
Dende'l Conceyu Universitariu pol Asturianu (CUPA) queremos manifestar la nuesa repulsa ya indignación énte la decisión de la Xunta de la Facultá de Filoloxía d'aprobar la enmienda del profesor Félix Fernández de Castro a la propuesta d'estudiu de Grau de Llingües Modernes presentada pol equipu decanal que presidía hasta ayeri Doña Ana María Cano.
Esta propuesta presentada a la Xunta de la Facultá de Filoloxía, y que foi defendida por Doña Ana María Cano y pol tamién profesor Don Ramón d'Andrés Díaz, suponía un cambiu radical no que cinca al estudiu de la llingua asturiana na Universidá d'Uviéu, asitiándola al mesmu nivel que llingües como l'inglés o'l francés.
Por embargu la Xunta de Facultá por una escasa mayoría de 34 votos frente a 30 votos optó por aprobar una enmienda parcial que marxina a la llingua d'Asturies na Facultá de Filoloxía, continuando col absurdu de que primen unos prexuicios acientíficos e ideolóxicos de calter xacobín sobre la necesidá de que la Universidá d'Uvieu seya una Universidá de y pa la sociedá asturiana, pues la esistencia d'una Universidá nun se xustifica en sí mesma sinón en función d'un serviciu a los asturianos, pa lo que ye imprescindible que los estudios de Filoloxía recueyan l'estudiu de la llingua del nuesu país.
Aplaudimos la decicisón de Doña Ana María Cano, de nun ser cómpliz de l'absurda decisión de la Xunta de Facultá y esperamos que se tomen midíes pa dar marcha atrás a esta decisión.
Licencia:Libre Licencia de documentación Libre (Inglés)
Y vós pidiendo'l votu pa Gotor y frañendo les negociaciones d'Academia y Xunta. Tenía que vos cayer la cara de vegoña!! Vaya desastre
buf, yá veo les negociaciones de l'academia onde lleven...
Yo voi a entamar los estudios de bachilleratu, pero nun veo con bonos güeyos lo que fixo la Xunta de Xiloloxía (dao que quixere estudiar foloxía románica na Universidá y llueu FILOLOXÍA ASTURIANA [de posgráu o como lo llamen]) Prestaríame enforma que la llingua asturiana algamase d'una vegada la dignidá y repetu que merez. OFICIALIDÁ DARRÉU
Pelayu, si quies ponete en contactu con nós, el corréu ye conceyu-universitariu@hotmail.com
Trabaya con nós pol asturianu, escríbenos a conceyuasturianu@gmail.com
Consulta equí'l programa de trabayu del CUPA.
El Conceyu Universitariu pol Asturianu (CUPA) ye una asociación abierta a los alumnos, personal docente y d'alministración y servicios de la Universidá d'Uviéu. Nun ta venceyada a nengún partíu políticu nin grupu de presión.
L’oxetivu del CUPA ye afalar, al traviés del diálogu y los alcuerdos, la realización de polítiques progresives de normalización llingüística y cultural que permitan dignificar y promover la presencia de la llingua asturiana y la cultura d’Asturies en tolos ámbitos de la vida diaria de la universidá asturiana.
El CUPA tien anguaño presencia en tolos campus y trabaya na realización de campañes de reivindicación y sensibilización y nel asesoramientu d’aquelles persones ya instituciones que mos requieren.
Dende mayu de 2008 tenemos representación nel Claustru de la Universidá d'Uviéu, l'órganu cimeru de representación de la comunidá universitaria.
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
