POR UNA UNIVERSIDÁ DAVERES ASTURIANA
19/06/2008
N'EUROPA PRESS
L'asignatura diba entamar a dase pal cursu 2008-2009
UVIÉU, 18 de Xunu (EUROPA PRESS)
El Conceyu Universitariu pol Asturianu (CUPA), organización independiente asturianista y universitaria na que participen alumnos, maestros, personal d'alministración y servicios y vieyos alumnos, ta acabante de mandar una reclamación a la dirección de la Universidá Nacional d'Educación a Distancia pola retirada de l'asignatura d'asturianu de la ufierta prevista pal cursu 2008-2009.
Al traviés d'una nota de prensa, el CUPA informaba de la midida y facía referencia a la noticia de la qu'estos díes se facíen ecu los medios de comunicación asturianos y que recoyía la denuncia del sindicatu d'enseñanza SUATEA.
El Conceyu quiso tamién "esixir que se recupere la iniciativa y el cursu que vien l'asturianu tea presente na UNED, pa que la llingua asturiana s'afite y esparda'l so usu y enseñu dientro del ámbitu universitariu, tamién a distancia".
Amás, exixó "esplicaciones por esta marcha atrás de la institución académica, que nun podemos albidrar, más que por razones polítiques".
El colectivu señaló "los problemes que suponen la falta d'oficialidá del asturianu y sobre tou les torgues que'l Gobiernu d'Asturies pon a toa iniciativa que suponga un avance pa la normalización de la llingua asturiana, pero la Universidá d'Uviéu, por exemplu, pon llingua asturiana dende va años, magar de que l'asturianu nun seya llingua oficial n'Asturies". "Poro, esti argumentu nun ye válidu y nun pue torgar la necesaria presencia del asturianu na Universidá a Distancia", añadió'l comunicáu.
Amás, recordó "la importancia que tien pal futuru de la llingua d'Asturies la implantación de la titulación de llingua asturiana nel futuru sistema européu de graos, al mesmu nivel que les demás llingües europees (castellán, inglés, catalán, francés)".
Fonte: http://www.europapress.es/asturianu/noticia-conceyu-universitariu-pol-asturianu-reclama-esplicaciones-uned-pola-retirada-lasignatura-dasturianu-20080618172140.html
Licencia:Libre Licencia de documentación Libre (Inglés)
Trabaya con nós pol asturianu, escríbenos a conceyuasturianu@gmail.com
Consulta equí'l programa de trabayu del CUPA.
El Conceyu Universitariu pol Asturianu (CUPA) ye una asociación abierta a los alumnos, personal docente y d'alministración y servicios de la Universidá d'Uviéu. Nun ta venceyada a nengún partíu políticu nin grupu de presión.
L’oxetivu del CUPA ye afalar, al traviés del diálogu y los alcuerdos, la realización de polítiques progresives de normalización llingüística y cultural que permitan dignificar y promover la presencia de la llingua asturiana y la cultura d’Asturies en tolos ámbitos de la vida diaria de la universidá asturiana.
El CUPA tien anguaño presencia en tolos campus y trabaya na realización de campañes de reivindicación y sensibilización y nel asesoramientu d’aquelles persones ya instituciones que mos requieren.
Dende mayu de 2008 tenemos representación nel Claustru de la Universidá d'Uviéu, l'órganu cimeru de representación de la comunidá universitaria.
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
