POR UNA UNIVERSIDÁ DAVERES ASTURIANA
23/04/2008
24/04/2008 d'Asturnews.com
Unu de los cartelos de la campaña de Vicente Gotor
El catedráticu de Química, Vicente Gotor ye’l ganador de la segunda vuelta de les elecciones a Rector de la Universidá d’Uviéu con 4.521 votos, lo que suponen el 63,25% de los apoyos. La otra candidata participante, Paz Andrés, algamó 2.647 votos, el 36,75% del total ponderáu. Gotor conviértese asina nel Rector númberu 191 de la Universidá d’Uviéu.
Nesta ocasión, como na primer vuelta, 28.000 componentes de la comunidá universitaria taben llamaos a votar, en cuatro estayes estremaes: Doctores, profesores non doctores, alumnos y personal d’alministración y servicios.
No que cinca a los resultaos por estayes, nel casu de los Doctores, Gotor consiguió 684 apoyos, el 62’93 de los votos frente a los 403, el 37’07% algamos por Paz Andrés. Los profesores y el personal d’investigación apoyaron con un 67’17% de los votos a Gotor (444 votos) y con 217 votos, el 32’83 a la candidata Andrés Sáenz. Nel casu de los alumnos Gotor Santamaría consiguió 2.883 votos, el 62’82% y Andrés el 37’18%, con un total de 1.706 votos. El personal d’alministración y servicios apoyó tamién mayoritariamente a Gotor, con 510 votos y el 61’37%, frente a los 321 qu’apoyaron a la otra candidata, el 38’63%.
Licencia:Libre Licencia de documentación Libre (Inglés)
El Conceyu Universitariu pol Asturianu (CUPA) ye una asociación abierta a los alumnos, personal docente y d'alministración y servicios de la Universidá d'Uviéu. Nun ta venceyada a nengún partíu políticu nin grupu de presión.
L’oxetivu del CUPA ye afalar, al traviés del diálogu y los alcuerdos, la realización de polítiques progresives de normalización llingüística y cultural que permitan dignificar y promover la presencia de la llingua asturiana y la cultura d’Asturies en tolos ámbitos de la vida diaria de la universidá asturiana.
El CUPA tien anguaño presencia en tolos campus y trabaya na realización de campañes de reivindicación y sensibilización y nel asesoramientu d’aquelles persones ya instituciones que mos requieren.
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
