POR UNA UNIVERSIDÁ DAVERES ASTURIANA
23/04/2008
Estimada compañera, Estimáu compañeru:
Como seguramente yá sabes, los resultaos de la segunda vuelta de les elecciones al Rectoráu de la Universidá amuesen que la comunidá universitaria me dio la so confianza pa ser Rector de la Universidá d’Uviéu nos cuatro años vinientes. El nuesu proyectu algamó’l sofitu mayoritariu en tolos colectivos, Estudiantes, Personal d’Alministración y Servicios y Personal Docente ya Investigador, per una mui amplia diferencia de votos.
Estos resultaos préstenme abondo y faenme, al empar, consciente de la gran responsabilidá recibida.
Dende güei mesmu voi entamar a trabayar pa intentar facer realidá toles ilusiones
que punxistis nel mio proyectu.
Quiero, nesti curtiu mensaxe, agradecer mui sinceramente a toos, la vuesa participación nel procesu electoral y el sofitu de tolos que me votastéis.
Prestaríame cuntar con toos y que naide se sienta escluyíu d’esti proyectu integrador yá que, penrriba de les discrepancies, AXÚNTANOS LA UNIVERSIDÁ.
Un abrazu,
Vicente Gotor
P.S. Pido disculpes a quien, por cualesquier razón, pueda molestar la recepción d’esti mensaxe.
--
Vicente Gotor Santamaría
Candidatu a Rector de la Universidá d'Uviéu
www.vgotor.eu www.vgotor.es www.vgotor.as
Licencia:Libre Licencia de documentación Libre (Inglés)
La Universidá ye un fitu fundamental de la vida cultural nuestra. Quedamos a la espera de si se cumplen los compromisos pa cola llingua del recién elexíu rector.
El Conceyu Universitariu pol Asturianu (CUPA) ye una asociación abierta a los alumnos, personal docente y d'alministración y servicios de la Universidá d'Uviéu. Nun ta venceyada a nengún partíu políticu nin grupu de presión.
L’oxetivu del CUPA ye afalar, al traviés del diálogu y los alcuerdos, la realización de polítiques progresives de normalización llingüística y cultural que permitan dignificar y promover la presencia de la llingua asturiana y la cultura d’Asturies en tolos ámbitos de la vida diaria de la universidá asturiana.
El CUPA tien anguaño presencia en tolos campus y trabaya na realización de campañes de reivindicación y sensibilización y nel asesoramientu d’aquelles persones ya instituciones que mos requieren.
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
