POR UNA UNIVERSIDÁ DAVERES ASTURIANA
21/04/2008
El CUPA sofita a Gotor
Escrito por InfoAsturies
Llunes, 21 de Abril de 2008 06:10
El Conceyu Universitariu pol Asturianu (CUPA) fexo públicu, al traviés d'un comunicáu, el so sofitu a la candidatura de Vicente Gotor pa rector de la Unversidá d'Uviéu
“dempués d’estudiar los programes y trayectories de los candidatos a Rector de la Universidá d’Uviéu presentes na segunda vuelta” y dempués ver la "bona" disposición de Gotor "a les ‘Propuestes de Trabayu pa la Normalización Llingüística y Cultural na Universidá d’Uviéu (2008-2012)’”, presentaes pol CUPA.
Dende’l Conceyu Universitariu por Asturianu (CUPA) consideren amás que ye’l momentu de manifestar públicamente la so posición respectu a estes elecciones, “pues pensamos que la Universidá d’Uviéu ta nun momentu decisivu y hestóricu, énte una oportunidá nueva pa convertirse nuna universidá verdaderamente asturiana, qu’esista por y p’Asturies y los asturianos, abierta a la universalidá, lo qu’entama por asumir y nun despreciar la cultura propia, situando al idioma asturianou como vehículu d’espresión conviviendo n’igualdá col castellán”. El CUPA declara que “tase énte la oportunidá de que la Universidá d’Uviéu dexe de ser una institución separtada de la sociedá na que vive p’aceptar y reconocer por fín la realidá billingüe” del país.
El Conceyu Universitariu pol Asturianu entiendeque’l trunfu de Vicente Gotor “resultaría especialmente positiva y afayadiza pa construyir una nueva Universidá billingüe qu’asuma y potencie la llingua asina asina como otros elementos de la cultura asturiana”.
Dende’l CUPA encamienten a toles persones que conformen la comunidá universitaria y que tengan apreciu pola llingua y cultura asturianes, a que’l próximu miércoles voten a Don Vicente Gotor como nuevu Rector de la Universidá d’Uviéu, pa qu’ésta por fin seya una Universidá de y p’Asturies con toles consecuencies”.
Pa los responsables del CUPA “paeznos que ye de xusticia apoyar una candidatura que va cuatro años yá firmó un documentu bien importante a favor del asturianu (el presentáu por Xunta Moza) y qu’agora, cuatro años más tarde, aumenta esi compromisu aceptando tener como base pal diálogu y el trabayu unes Propuestes de Trabayu que cubren tolos campos necesarios pa la normalización de la llingua asturiana na Universidá d’Uviéu”.
El Conceyu Universitariu pol Asturianu, CUPA, defínese como una asociación abierta a los alumnos, personal docente y d'alministración y servicios de la Universidá d'Uviéu.
Licencia:Libre Licencia de documentación Libre (Inglés)
YÁ TAMOS TRABAYANDO POL ASTURIANU DENDE'L CLAUSTRU.
GRACIES POL VUESU APOYU
Consulta equí'l programa del CUPA pa les Eleiciones al Claustru 2008.
El Conceyu Universitariu pol Asturianu (CUPA) ye una asociación abierta a los alumnos, personal docente y d'alministración y servicios de la Universidá d'Uviéu. Nun ta venceyada a nengún partíu políticu nin grupu de presión.
L’oxetivu del CUPA ye afalar, al traviés del diálogu y los alcuerdos, la realización de polítiques progresives de normalización llingüística y cultural que permitan dignificar y promover la presencia de la llingua asturiana y la cultura d’Asturies en tolos ámbitos de la vida diaria de la universidá asturiana.
El CUPA tien anguaño presencia en tolos campus y trabaya na realización de campañes de reivindicación y sensibilización y nel asesoramientu d’aquelles persones ya instituciones que mos requieren.
Dende mayu de 2008 tenemos representación nel Claustru de la Universidá d'Uviéu, l'órganu cimeru de representación de la comunidá universitaria.
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
