POR UNA UNIVERSIDÁ DAVERES ASTURIANA
21/04/2008
21/04/2008 El Conceyu Universitariu pol Asturianu, CUPA, acaba manifestase, pente medies d'un nota prensa, partidariu de la candidatura del catedráticu de Química Orgánica de la Universidá d'Uviéu, Vicente Gotor. Dende'l puntu de vista del aconceyamientu "la Universidá d'Uviéu ta nun momentu decisivu y hestóricu", momentu nel que tien "una oportunidá nueva pa convertise nuna universidá verdaderamente asturiana".
Nesti sen el CUPA valora que ye "de xusticia apoyar una candidatura que va cuatro años yá firmó un documentu bien importante a favor del asturianu y qu'agora, cuatro años más tarde, aumenta esi compromisu", sorrayando l'aceutación por parte de Gotor de "tener como base pal diálogu y el trabayu unes Propuestes de Trabayu que cubren tolos campos necesarios pa la normalización de la llingua asturiana na Universidá d'Uviéu"; en referencia direuta a les Propuestes de Trabayu pa la Normalización Llingüística y Cultural na Universidá d'Uviéu (2008 - 2012).
Por too ello'l Conceyu encamienta a tola comunidá universitaria a facer un apueste pola candidatura de Gotor, neto lo faen ellos al traviés d'esti comunicáu.
Na pasada xornada eleutoral Vicente Gotor algamó'l 49,29% de los votos, demientres que la catedrática de Drechu Internacional Públicu y Rellaciones Internacionales Paz Andrés, quedó col 22,56%. D'esti mou los dos candidatos quedaron aplazaos pa una segunda vuelta, programada pal próximu día 23 d'abril.
Licencia:Libre Licencia de documentación Libre (Inglés)
El Conceyu Universitariu pol Asturianu (CUPA) ye una asociación abierta a los alumnos, personal docente y d'alministración y servicios de la Universidá d'Uviéu. Nun ta venceyada a nengún partíu políticu nin grupu de presión.
L’oxetivu del CUPA ye afalar, al traviés del diálogu y los alcuerdos, la realización de polítiques progresives de normalización llingüística y cultural que permitan dignificar y promover la presencia de la llingua asturiana y la cultura d’Asturies en tolos ámbitos de la vida diaria de la universidá asturiana.
El CUPA tien anguaño presencia en tolos campus y trabaya na realización de campañes de reivindicación y sensibilización y nel asesoramientu d’aquelles persones ya instituciones que mos requieren.
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
