POR UNA UNIVERSIDÁ DAVERES ASTURIANA
17/01/2007
-Estatutu d'Autonomía d'Asturies (1981, reforma de 1999), na versión n'asturianu publicada pol Gobiernu: «Artículu 4. 1. El bable ha gociar de protección. Ha promovese'l so usu, el so espardimientu nos medios de comunicación y la so enseñanza, respetando en tou casu les variantes locales y la voluntariedá del so deprendimientu. 2. Una llei del Principáu ha regular la protección, usu y promoción del bable».
-Llei d'Usu y Promoción del Asturianu (1998) «Artículu 3. Ye oxetu d'esta Llei: a) Amparar el derechu de los ciudadanos a conocer y emplegar l'asturianu y establecer los medios que lo faigan efectivo» y «d) Asegurar el so llibre usu y la non discriminación de los ciudadanos por esti motivu». Y más alantre: «Artículu 4. 1. Tolos ciudadanos tienen derechu a emplegar l'asturianu y a esplicase nelli, de pallabra y per escrito. 2. Ha tenese por válidu a tolos efectos l'usu del asturianu nes comunicaciones orales o escrites de los ciudadanos col Principáu d'Asturies».
-Estatutos de la Universidá d'Uviéu (2003): «Artículu 6.2: La Llingua Asturiana va ser oxetu d'estudiu, enseñanza ya investigación nos ámbitos que correspuendan. Asinamesmu'l so usu va tener el tratamientu qu'establezan l'Estatutu d'Autonomía y la llexislación complementaria, garantizándose la non discriminación de quien la emplegue».
15/01/2007
Nos trabayos, informes, papeles de delgación, de notes, nos esámenes, etc. podemos utilizar estos llogotipos que vamos poner a la to disposición dientro de mui poco, los llogotipos de la Universidá n'asturianu.
Ye una manera de reclamar una presencia digna de l'asturianu dientro de la universidá, como pasa en toles comunidaes autónomes españoles con llingua propia, menos n'asturies
Mandái les vueses suxerencies.
15/01/2007
Dende la Coordinadora Xeneral del Conceyu Universitariu pol Asturianu queremos apoyar la campaña por un dominiu propiu pa la comunidá llingüística asturiana.
Poro, colocaremos na nuesa páxina, le llogotipu de la campaña Naguamos por un puntu ast y fairemos llegar a la Universidá d'Uviéu la idea, pa que seya apoyada por esta institución.
Coordinadora Xeneral del Conceyu Universitariu pol Asturianu
15/01/2007
El Conceyu Universitariu pol Asturianu ta buscando xente (alumnos, profesores, personal), pa coordinar les campañes que vamos entamar en tola Universidá d'Uviéu. Esperamos la vuesa participación.
Mandáimos un corréu colos vuesos datos:
conceyu-universitariu@hotmail.com
Corrdinadora Xeneral del Conceyu Universitariu pol Asturianu
14/01/2007
Acabante fundase, el Conceyu Universitariu pol Asturianu busca meyorar la situación del asturianu y la cultura asturiana dientro de la Universidá d'Uviéu.
Asturies ye una comunidá autónoma billingüe y la so universidá tien de selo tamién, lo contrario ye da-y la espalda al territoriu hestóricu onde s'asitia.
Convidamos a tolos miembros de la Universidá d'Uviéu a trabayar con nós pa meyorar la situación del asturianu dientro de la Institución.
Asturies ye billingüe, la so universidá tien de selo tamién.
Trabaya con nós pol asturianu, escríbenos a conceyuasturianu@gmail.com
Consulta equí'l programa de trabayu del CUPA.
El Conceyu Universitariu pol Asturianu (CUPA) ye una asociación abierta a los alumnos, personal docente y d'alministración y servicios de la Universidá d'Uviéu. Nun ta venceyada a nengún partíu políticu nin grupu de presión.
L’oxetivu del CUPA ye afalar, al traviés del diálogu y los alcuerdos, la realización de polítiques progresives de normalización llingüística y cultural que permitan dignificar y promover la presencia de la llingua asturiana y la cultura d’Asturies en tolos ámbitos de la vida diaria de la universidá asturiana.
El CUPA tien anguaño presencia en tolos campus y trabaya na realización de campañes de reivindicación y sensibilización y nel asesoramientu d’aquelles persones ya instituciones que mos requieren.
Dende mayu de 2008 tenemos representación nel Claustru de la Universidá d'Uviéu, l'órganu cimeru de representación de la comunidá universitaria.
El Conceyu Universitariu pol Asturianu felicita a los miembros de la Xunta de Facultá de Filoloxía pola entrada del asturianu nos estudios europeos Favila Llegó la hora (y vien que vagó) d'abrir [...]
El Conceyu Universitariu pol Asturianu espera que la Xunta de Facultá apruebe la entrada del asturianu nes enseñances reglaes de Filoloxía ¿Valledor ye lliberal? El diputado de IU-BA-Verdes, Francisco Javier García Valledor, [...]
El Conceyu Universitariu pol Asturianu espera que la Xunta de Facultá apruebe la entrada del asturianu nes enseñances reglaes de Filoloxía Un Patriota Asturianu ¿asturianismu lliberal=CUPA? JAJAJAJAJA El CUPA ye una organización plural [...]
El Conceyu Universitariu pol Asturianu espera que la Xunta de Facultá apruebe la entrada del asturianu nes enseñances reglaes de Filoloxía asturianista ¿cómo qué quién-yos paga? el llabor que faen [...]
El Conceyu Universitariu pol Asturianu espera que la Xunta de Facultá apruebe la entrada del asturianu nes enseñances reglaes de Filoloxía ¿asturianistes? L'asturianismu AUTORREPRIMIÉNDOSE. Agora'l posibilismu más curciu y neciu llega [...]
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
